Azarkeş futbolçu oynasın deyə kluba pul ödədi, amma...

09:37 23-02-2021 | icon 29 | İdman
Azarkeş futbolçu oynasın deyə kluba pul ödədi, amma...

Braziliyanın “İnternasional” klubunun oyunçusu Rodiney azarkeşlərdən birinin 153 min avroluq ödənişi sayəsində onu icərəyə vermiş “Flamenqo”ya qarşı görüşdə meydana çıxıb.

 

Bu barədə “Goal” portalı məlumat yayıb.

 

Məlumata görə, 2020-ci ilin yanvarında “İnternasional” braziliyalı futbolçunu məhz “Flamenqo” klubundan icarəyə götürüb. Müqaviləyə əsasən Rodiney öz keçmiş klubuna qarşı oyunda iştirak edəcəyi təqdirdə qarşı tərəf “Flamenqo”ya 153 min avro əlavə pul ödəməlidir. “İnternasional” bu məbləği ödəməkdən imtina edərək, futbolçunun matçda meydana çıxmayacağını bildirib. Lakin bu zaman klubun azarkeşlərindən biri işə qarışaraq lazımi məbləği ödəyib və Rodineyin öz keçmiş klubuna qarşı oyunda iştirakını təmin edib.

 

Qeyd edək ki, hazırda Braziliya çempionatında liderlik yarışı məhz bu iki klub arasında gedir. Bazar günü oynanılan qarşılaşmada “Flamenqo” 2:1 hesabı ilə üstün olub. Rodiney 49-cu dəqiqədə birbaşa qırmızı vərəqə alıb və komandasının turnir cədvəlində liderliyini itirməsində pay sahibi olub.

 

Hazırda ölkə çempionatına 71 xalla “Flamenqo” başçılıq edir. 69 xalı olan “İnternasional”  isə ikinci pillədədir.

 

Rodineyə gəlincə, 29 yaşlı müdafiəçi “Flamenqo”nun heyətində 2018/2019-cu illər mövsümünün Libertadores kubokunun qalibi olub. “İnternasional”ın tərkibində icarədə keçirdiyi cari mövsümdə o, 25 oyunda iştirak edib, bir qol və iki məhsuldar ötürmə edib, həmçinin beş sarı və bir qırmızı vərəqə alıb.

Xəbər lenti

InvestAZ

Ən çox oxunan xəbərlər

Partiya sədri: YAP buraxılmalıdır

İgid qəhrəmanlarımızdan biri - RƏŞAD NƏBİZADƏ

MMP Xocalı soyqırımı ilə bağlı BƏYANAT YAYDI

“İMZA” - İlhamla Mehribanla Zirvələrə

“Çalışırlar ki, Azərbaycan asılı, gözüqıpıq bir dövlətə çevrilsin” - MÜSAHİBƏ

“Xalqı narazı salmaqla “5-ci kolon”un könlünü xoş edirlər”

“Xocalı irsi” adlı elektron TƏQDİMAT

"Moskva vəziyyəti gərginləşdirməyə çalışır"

"Ermənistan daha bir hərbi cinayətə qol qoyur"

"Bu, iki ölkə arasında əməkdaşlığın daha da inkişafına təkan verəcək"

Ermənilər onun fotoaparatını pulla alıb İrəvanda yandırmaq istədiklərini deyiblər - MÜSAHİBƏ

ALDP-dən beynəlxalq təşkilat və dövlətlərə XOCALI ÇAĞIRIŞI

“Sanki erməniləri Dağlıq Qarabağa yerləşdirmək üçün gəliblər” - MÜSAHİBƏ

"Bu missiyanı bizim iqtidar öz öhdəsinə götürməlidir"

“8 Noyabr” stansiyası istismara hazırlanır