UEFA Avropa Liqasına Bakıda start verilir
Bu gün UEFA-nın ikinci dərəcəli klub turniri olan Avropa Liqasında yeni mövsümə məhz Bakıda start veriləcək.
Versus.Az xəbər verir ki, turnirin bu gün baş tutan yeganə görüşündə Azərbaycan çempionu “Neftçi” Finlandiyanın eyni statusda olan komandası HİK ilə qarşılaşacaq.
“Neftçi”nin rəqibi 30 qat Finlandiya çempionu və həmin ölkənin 14 qat Kubok sahibidir. Helsinki klubu ilə görüşdə “Neftçi”də əməliyyat olunmuş hücumçu Namiq Ələsgərov və qırmızı vərəqə almış Mərt Çelik oynaya bilməyəcək.
Qeyd edək ki, cavab oyunu avqustun 12-də Helsinkinin süni örtüklü “Bolt Arena”sında keçiriləcək.
UEFA Avropa Liqası
III təsnifat mərhələsi
3 avqust
21:00 “Neftçi” – HİK (Finlandiya)
Hakimlər: Vilyam Kolum, Deyvid MakQiçi, Şon Karr, Yuan Anderson (hamısı Şotlandiya)
Bakı. “Bakcell Arena”
Xəbər lenti
İran İsraili HƏDƏLƏDİ
"Yaxın zamanda Haniyənin qisası alınacaq"