“Qarabağın incisi – Şuşa” - MUZEYDƏ SƏRGİ

16:19 28-05-2022 | icon 990 | Mədəniyyət
“Qarabağın incisi – Şuşa” - MUZEYDƏ SƏRGİ

Qaliblər mükafatlandırılıb və Fəxri fərmanlarla təltif olunublar

 

Muzeydə “Qarabağın incisi – Şuşa” adlı II Ümumrespublika rəsm və əl işləri sərgisinin açılış mərsimi keçirilib.

 

Versus.Az xəbər verir ki, Azərbaycan Prezidenti İlham Əliyevin 2022-ci ili “Şuşa ili” elan edilməsi haqqında sərəncamına əsasən, AMEA Milli Azərbaycan Tarixi Muzeyi 24 fevral tarixindən “Qarabağın incisi – Şuşa” adlı II Ümumrespublika rəsm və əl işlərindən ibarət müsabiqə elan etmişdi. Bununla əlaqədar dünən, yəni mayın 27-də müsabiqədə iştirak edənlərin rəsm və əl işlərinin sərgisinin açılış mərsimi olub.

 

Sərgidə Azərbaycanın müxtəlif bölgələrindən olan və müxtəlif yaş qruplarından yaradıcı şəxslər öz əl işləri ilə 2 kateqoriya - təsviri incəsənət və tətbiqi sənət üzrə müsabiqədə iştirak ediblər.

 

Müsabiqə 3 nominasiyada keçirilib.

 

Münsiflər heyətinin üzvləri - Muzeyin Baş direktoru, akademik Nailə Vəlixanlı, Azərbaycan Rəssamlar İttifaqının katibi, Azərbaycan Respublikasının xalq rəssamı Ağaəli İbrahimov, Teatr Muzeyinin direktor müavini, Rəssamlar İttifaqının üzvü Nazim Məmmədov, muzeyin Təsviri Materiallar fondunun müdiri, m.ü.f.d. Nardanə Yusifova və əməkdar mədəniyyət işçisi, muzeyin bərpaçı-rəssamı Gülşən Hacıyevanın iştirakı ilə sərgidə nümayiş olunan əl işləri dəyərləndirilib və qaliblər seçilib.

 

Tədbirdə qeyd olundu ki, yaradıcı şəxslərin iştirakı ilə təşkil olunan bu kimi tədbirlər davamlı olacaq.

 

Seçilən kreativ əl işlərinin müəllifləri, qaliblər mükafatlandırılıb və Fəxri fərmanlarla təltif olunublar.

Müsabiqənin bütün iştirakçılarına sertifikatlar təqdim olunub.

 

Qeyd edək ki, layihənin rəhbəri və kuratoru muzeyin əməkdaşı Aynur Babayevadır.

 

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

Azərbaycanın ideya və məqsədləri ilə bağlı mesajlar verən BƏYANNAMƏ

"ŞƏT-in Azərbaycana faydası olduğu qədər Azərbaycanın da ŞƏT-ə qiymətli töhfələri var"

"Azərbaycan növbəti dəfə olduqca təsirli bir addım atmış oldu”

Siyasətdə yeni ZÜMZÜMƏLƏR

“Qarabağ Bəyannaməsi artıq o qüvvələri çıxılmaz vəziyyətə salır”

"Deputatların növbəti görüşü də müsbət dəyərləndirilməlidir"

Ürək bulantısı
XƏSTƏLİKLƏRDİRMİ?

Telejurnalist MTM-nin mətbuat katibi oldu

Bu həftədən seçki sənədlərinin DSK-lara təqdim edilməsinə BAŞLANILIR

Azərbaycanda elektron pullar dövriyyəyə BURAXILACAQ

“WhatsApp” casus PROQRAMIDIR

“Deputatların görüşü vacib görüşlərdən biri kimi səciyələndirilməlidir”

Metroplitendən hər kəsi şok edəcək AÇIQLAMA

Sabah beş rayonda qaz OLMAYACAQ

Ölkə Trendində BİRİNCİ