Şahmat məcburi fənn oldu
414 |
Təhsil
Yeni tədris ilindən Gürcüstanın bütün məktəblərində şahmat birinci sinif şagirdləri üçün məcburi fənn olacaq.
Bu barədə ölkənin Təhsil Nazirliyinin mətbuat xidməti xəbər yayıb.
“Yeni tədris ilindən məktəblilər birinci sinifdə icbari fənn kimi şahmatı öyrənəcəklər”, - deyə nazirlikdən bildirilib.
Qeyd edildiyi kimi, yayda Təhsil Nazirliyi Gürcüstan Şahmat Federasiyası ilə əməkdaşlıq çərçivəsində məktəblərdə şahmatdan dərs deyən 4000 müəllimin yenidən hazırlanmasını həyata keçirib. Prosesə beynəlxalq qrossmeyster və ustalardan ibarət məşqçilər qrupu rəhbərlik edib.
Məktəb dərsliklərində öz əksini tapacaq müvafiq tədris resursları da hazırlanıb.
Gürcüstan məktəblərində 2022-2023-cü tədris ili sentyabrın 15-də başlayacaq. Ölkə məktəblərində I sinifdən XII sinfə kimi 632 726 şagird təhsil alacaq. Bu il ölkədə 55 717 uşaq birinci sinfə gedəcək.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
