4 piyadanı maşın vurub

Ötən gün 4 piyadanı avtomobil vurub öldürüb.

Bu barədə Versus.az-a Daxili İşlər Nazirliyindən (DİN) məlumat verilib.

Belə ki, oktyabrın 24-də saat 4 radələrində Suraxanı rayonu ərazisində Bakı şəhər sakini E.Əliyev idarə etdiyi “Lexus” markalı avtomobillə yolu keçən paytaxt sakini Zaur Xalidovu vurub və nəticədə piyada hadisə yerində ölüb.

Saat 8 radələrində isə Xəzər rayonunun Buzovna qəsəbəsi ərazisində Bakı şəhər sakini R.Mirzəyev idarə etdiyi “VAZ-2107” markalı avtomobillə yolu keçən paytaxt sakini Esmira Əliyevanı vurub və nəticədə piyada hadisə yerində ölüb.

Analoji hal saat 21 radələrində Qaradağ rayonunun Qobustan qəsəbəsi ərazisində qeydə alınıb. Belə ki, Biləsuvar rayon sakini Ə.Xammədov idarə etdiyi “Mercedes” markalı avtomobillə yolu keçən Salyan rayon sakini Yusif Baxşiyevi vurub və nəticədə piyada hadisə yerində ölüb.

Eyni saatlarda Gədəbəy rayonunun Maarif kəndi ərazisində də piyada ölümü baş verib. Belə ki, rayon sakini Amid Qurbanov idarə etdiyi “VAZ-21011” markalı avtomobillə yolu keçən Vahid Qasımovu vurub. Nəticədə piyada hadisə yerində vəfat edib.