Vardanyan amili necə zərərsizləşdirilməli?-Açıqlma

Azərbaycanda rus-Vardanyan amilinin zərəsizləşdirilməsinin yeganə yolu Azərbaycanın Türkiyə və eyni zamanda digər türk dövlətləri ilə inteqrasiyasının gücləndirilməsi, yeni konfiqurasiyaların yaradılmasıdır.

Versus.az xəbər verir ki, bunu siyasi şərhçi Azər Hüseynov erməni cinayətkarlarının, eləcə də Vardanyan amilinin Qarabağda necə zərərsizləşdirilməsi ilə bağlı açıqlamasında bildirib. A.Hüseynov hesab edir ki, bura o cümlədən iqtisadi, siyasi və həmçinin də hərbi konfiqurasiyaların yaradılması daxildir.

“Əks halda biz bu amilin zərərsizləşdirilməsində o qədər də nail ola bilmərik. Buna görə də Türkiyə ilə intiqrasiyanın gücləndirilməsi lazımdır. Digər tərəfdən Qarabağa demoqrafik qayıdış sürətləndirilməlidir. Separatçı rejim ortadan qaldırılana qədər yerlərinə qayıdan əhali hərbiləşdirilməlidir. Siyasi təsiri yerli hərbiləşmiş əhali amili ilə gücləndirmək lazımdır. Burada dəyişən komponentləri də nəzərə almaq lazımdır. Lazım olanda yumşaq güc tətbiq etmək, lazım olanda ritorikanı balanslaşdırmaq lazımdır. Eyni zamanda Azərbaycan öz maraqlarını hər şeydən öndə tutmalıdır.  Çünki burda digər dövlətlərin maraqlarının oynamasından ehtiyat edilməlidir. Və region dövlətləri ilə öz gələcək perspektivlərinə uyğun siyasət yürütməlidir”.

T.Qafarlı

Versus.az