Aydın Mirzəzadə: “Ermənistanın maraqlarını öz maraqları kimi elan edənlər ermənidən də betər düşməndir”

“Həmkarımız Fazil Mustafaya qarşı törədilən sui-qəsd Azərbaycana, Azərbaycan parlamentinə qarşı yönəlib. Düşmənlər bundan sevindi, hədəfin haradan gəldiyi məlum oldu”.

Versus.az xəbər verir ki, bunu Milli Məclisin bugünkü iclasında deputat Aydın Mirzəzadə bildirib.

Deputat qeyd edib ki, F.Mustafaya qarşı sui-qəsddə məqsəd Azərbaycanda xof yaratmaq, ölkədə vəziyyətin gərginliyini nümayiş etdirməklə, ölkəni müstəmləkəyə salamaq siyasətinin davamıdır. Onun fikrincə, Azərbaycan silahlı qüvvələri martın 25-də Laçın dəhlizini nəzarətə götürəndən 3 gün sonra depuatat həmkarımıza qarşı törədilən bu sui- qəsd bir-biri ilə əlaqəlidir:

“Bununla Azərbaycanı qorxutmağa çalışdılar. Amma səhv etdilər. Azərbaycan belə bir ərəfədə öz birliyini daha çox göstərdi. Bu gün Ermənistanın maraqları öz maraqları kimi elan edənlər ermənidən də betər düşməndir”.

Tahirə Qafarlı