Mətin Məmmədli: "Suverenliyimiz, ərazi bütövlüyü Fransa üçün də maraqlı olmalıdır" 

Bu gün Fransa bölgədə olduqca destruktiv, pozucu mövqe sərgiləyir, yeni münaqişələrin yaranmasına səbəb olan bir siyasət həyata keçirdir. Təbii ki, belə bir siyasət Azərbaycan tərəfindən qəbul edilə bilməz.

Bunu Versus.az-a Beynəlxalq Münasibətlərin Təhlili Mərkəzinin eksperti, politoloq Mətin Məmmədli Fransanın Cənubi Qafqaz oyunları, Azərbaycan Prezidentinə etdiyi zəngin səbəbləri ilə bağlı açıqlamasında bildirib.

M.Məmmədli hesab edir ki, Makronun həm Azərbaycan prezidentinə, həm də Ermənistan liderinə zəng etməsində ikibaşlı məqsəd var. Onun fikrincə, burada birinci məqsəd ilk növbədə Azərbaycana təzyiq göstərmək, onun haqlı prinsipial mövqeyindən geri çəkilməsinə nail olmaq, digər bir tərəfdən isə guya Fransanın regionda problemlərin həllində maraqlı olduğunu nümayiş etdirməkdən ibarətdir.

Politoloq bildirib ki, telefon söhbətində sənab ölkə başçısı Azərbaycanın mövqeyini və maraqlarını kifayət qədər aydın ifadə edib:

“Prezident  bildirdi ki,  Qarabağda  hər hansı bir humanitar böhran yaşanmır və Azərbaycan öz ərazisində yaşayan ermənilərin humanitar ehtiyaclarını ödəmək üçün təkliflər verir. Təəssüflər olsun ki, bu təkliflər nə Ermənistan, nə də separatçılar tərəfindən qəbul edilmir. Prezident eyni zamanda bildirib ki, Qarabağa göndərilən humanitar yardımların aparılması üçün iki yoldan da istifadə edilə bilər- Ağdam Xankəndi, Laçın Xankəndi yolu. Laçın -Xankəndi  yoliu ilə gəlmək istəyən karvanlar yalnız Azərbaycan gömrük sərhəd xidmətlərnə riayət etməklə ölkə ərazisinə daxil olub humanitar yarıdımı çatdırıa bilər. Bu Azərbaycanın suverenliyi, ərazis bütövlüyü məsələsidir və bunda  bütün dövlətlər, o cümlədən Fransa maraqlı olmalıdır”.

M.Məmmədli eyni zamanda qeyd edib ki, Fransa son il yarım ərzində bölgədə fəallaşıb. Fransa Rusiyanın Ukraynada başının qarışmasından və resursalarının daha çox o istiqamətdə sərf olunmasndan istifadə edərək, bundan öz maraqları üçün istifadə etməyə çalışır:

“Düşünür ki, Cənubi Qafqazda boşluq yaranıb  və Fransa o boşluğu doldura bilər. Bu məsələdə isə Ermənistanı alət olaraq istifadə edir. Biz buna həm Fransanın öz maraqları müstəvisində, eyni zamanda Fransada olan güclü erməni lobbisinin maraqları prizmasından yanaşa bilərik”.

LƏMAN
Versus.az