EMİN növbəti konserti ilə Bakıda

Azərbaycanın xalq artisti EMİN ənənəvi qış konserti ilə Heydər Əliyev Sarayının səhnəsinə gəlir...

Sənətçinin mətbuat xidmətindən Versus.az-a verilən xəbərə görə, dekabrın 8-də müğənni yeni proqramla böyük solo konsert verəcək.

EMİN-in konsertləri həmişə romantikayla coşqunun sintezindən ibarət olur. Onun musiqisi xəyal qurmağa, inanılmaz emosiyalar hiss etməyə və yaşamağa ruhlandırır, sözləri isə səmimi və mənalı olur.
Qarşıdan gələn konsert də istisna deyil. Qrupla məşqlər tam sürətlə gedir, yeni mahnılar, sevimli hitlər hazırlanır. Və əlbəttə ki, hər zaman olduğu kimi, Eminin və hər bir dinləyicinin kumiri olan dahi Müslüm Maqomayevin repertuarından“Mavi əbədiyyət” əsərinə mütləq şəkildə müraciət olunacaq.

Yeni proqrama hazlrlanan ingilisdilli albomdan mahnılar, eləcə də yeni aranjimanlarda rusdilli hitlər daxildir: “MMM”, “Angel Bes”, “Otpusti i leti”, “Zabıt tebya” və s.

Biletlər artıq satışdadır və internet saytında, həmçinin @iticket.az kassasından əldə etmək olar.

Ayəndə Dadaşova
versus.az