Sevindik Nəsiboğlu: “7 kitabım bu fondda oxucuların istifadəsinə verilib”

Gənc yazar Sevindik Nəsiboğlu yeni nəşr edilən kitablarını Azərbaycan Milli Elmlər Akademiyasının Mərkəzi Elmi Kitabxanasına təqdim edib.

Bununla bağlı Versus.Az-a açıqlama verən Sevindik Nəsiboğlu aprelin 3-də AMEA-nın Mərkəzi Elmi Kitabxanasında qonaq olduğu zaman “Zəfəri nurlandıran Nurlan” və “Ulu Öndərin işığında” adlı kitablarından bir neçə nüsxəni Qarabağ müharibəsi qəhrəmanları fonduna hədiyyə etdiyini deyib.

Gənc yazar eyni zamanda gələcək işləri ilə bağlı fondun əməkdaşlarına məlumat verdiyini də vurğulayıb:

“Şəhidlərimizin qəhrəmanlıqlarından danışaraq, onların əziz xatirəsini bir daha yad etdim. AMEA-nın Mərkəzi Elmi Kitabxanasında xoş münasibətə görə Qarabağ Müharibəsi Qəhrəmanları Fondunun rəhbəri, şəhid polkovnik Babək Səmidlinin bacısı Röksanə xanım Səfərzadəyə və fondun əməkdaşlarına dərin təşəkkürümü bildirirəm”.

S.Nəsiboğlu onu da qeyd edib ki, müəllifi olduğu 7 kitab bu fondda oxucuların istifadəsinə verilib.

Bütün görüşlərindəki çıxışlarında “Vətənimlə və vətənimin biz gənclərə dəyər verən ziyalıları ilə fəxr edirəm” deyən gənc yazarımız Sevindik Nəsiboğluna Versus.Az İnformasiya Agentliyi olaraq uğurlar arzu edirik.