Elman Nəsirov: “Bu görüş regionda ciddi problemlərin yaradılmasına şərait yaradır”

"Bu gün Brüsseldə ABŞ, Avropa İttifaqı, Ermənistanın üçtərəfli formata keçirilən görüşü regionda gedən geosiyasi proseslərə ciddi təsir göstərəcək".

Versus.Az xəbər verir ki, bunu Milli Məclisin bugünkü iclasında deputat Elman Nəsirov Brüsseldə keçirilən üçlü görüşə diqqət çəkərkən bildirib.

Deputat görüşdən əvvəl Avropa İttifaqının, eləcə də ABŞ dövlət katibinin Azərbaycan Prezidentinə zəng edərək izahat verməsini, ölkəmizin, ölkə başçısının bölgədəki güclü mövqeyi və nüfuzu kimi qiymətləndirib. Eyni zamanda Prezidentin məsələ ilə bağlı sərgilədiyi qəti mövqeyə istinad edərək bildirib ki, görüşdə Ermənistanda demokratiya, islahatların müzakirə ediləcəyi qeyd edilsə də, məqsəd gərginliyin yaradılmasına xidmət edir.

Deputat hesab edir ki, Ermənisana hərbi dəstəyin verilməsi, hərbi təlimlərin kçirilməsi, Ermənistanla Azərbaycanın şərti sərhəddində hərbi infrastrukturun qurulması ilə əvvəldən də müşahidə olunan hallar regiona sülh gətirilməsinə qarşıdır, ciddi problemlərin yaradılmasına şərait yaradır:

“Düşünürəm ki, Brüssel görüşündə bütün bunlar nəzərə alınacaq və Azərbaycanın əleyihinə qərar qəbul olunmayacaq”.

T.Qafarlı