“Qarabağ” “Turan Tovuz”a qalib gəlib
![icon](http://versus.az/views/versus/images/read.png)
![“Qarabağ” “Turan Tovuz”a qalib gəlib](http://versus.az/images/article/big/1715971746_582.jpg)
Bu gün Azərbaycan Premyer Liqasında XXXV tura start verilib.
Versus.Az xəbər verir ki, ilk oyun günü “Qarabağ” doğma meydanda “Turan Tovuz”u qəbul edib.
Qarşılaşma Ağdam təmsilçisinin qələbəsi ilə başa çatıb - 4:3.
Tofiq Bəhramov adına Respublika stadionunda keçirilən görüşdə hesabı “köhlən atlar”dan 19-cu dəqiqədə Juninyo açıb. 47-ci dəqiqədə Emmanuel Kahman “status-kvo”nu bərpa edib, 6 dəqiqə sonra isə Luis Paçunun qolu “Turan Tovuz”u hesabda önə çıxarıb. Bununla belə, 69-cu dəqiqədə Leandro Andrade yenidən hesaba tarazlıq gətirib. 75-ci dəqiqədə Matues Silva ağdamlıların üçüncü qolunun müəllifi olub. Final fitinə 5 dəqiqə qalmış E.Hakman qonaqların heyətində dubl edib. 90-cı dəqiqənin tamamında isə L.Andrade “Qarabağ”ın heyətində dubl müəllifi olub və oyunda yekun hesabı müəyyənləşdirib.
Çempionluğu vaxtından əvvəl təmin edən Qurban Qurbanovun komandası bu nəticənin ardından xallarını 82-yə yüksəldib. Tovuz klubu isə 45 xalda qalıb.
Qeyd edək ki, XXXV turun digər görüşləri mayın 18-də və 19-da gerçəkləşəcək.
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?