"İki dövlət bütün beynəlxalq təşkilatlarda bir-birini dəstəkləyir"

19:59 22-05-2024 | icon 340 | Siyasət
"İki dövlət bütün beynəlxalq təşkilatlarda bir-birini dəstəkləyir"

Kamilə Əliyeva: "Artıq Azərbaycanla İran nəhəng birgə layihələr həyata keçirir"

 

"Araz çayı üzərində inşa edilmiş "Xudafərin" hidroqovşağının istismara verilməsi və "Qız Qalası" hidroqovşağının açılışı Azərbaycanla İran İslam Respublikası arasında dostluq əlaqələrinin gücləndirilməsinə və yeni mərhələyə qədəm qoymasına böyük təkan verəcək tarixi bir hadisə idi".

 

Versus.Az xəbər verir ki, bunu açıqlamasında Milli Məclisin deputatı, professor Kamilə Əliyeva bildirib.

 

Deputat qeyd edib ki, Prezident İlham Əliyev çıxışında Azərbaycanla İran arasında mövcud dostluq, qardaşlıq əlaqələri, iki dövlət arasında həyata keçirilən birgə layihələr, Şimal-Cənub marşrut xəttinin səmərəliliyinin artırılması istiqamətində birgə fəaliyyət, eləcə də Azərbaycanda şaxələndirilmiş böyük nəqliyyat qovşağının yaradılması barədə məlumat verib:

 

"Son dövrlər iki dövlət arasında yaranmış anlaşılmamazlıqlar qısa müddətdə aradan qaldırılaraq iki dost dövlət və xalqlar arasında əsrlərdir mövcud olmuş dostluq və qardaşlıq münasibətləri bərpa olunmuşdur. Artıq Azərbaycanla İran nəhəng birgə layihələr həyata keçirir və gələcəkdə yeni layihələrin reallaşdırılması üçün razılığa gəlinmişdir. Eləcə də hər iki dövlət bütün beynəlxalq təşkilatlarda bir-birini dəstəkləyir".

 

K.Əliyeva bildirib ki, Azərbaycan və İranın birgə yaratdıqları Şimal-Cənub Nəqliyyat Dəhlizi tək ölkələrimiz üçün deyil, bir çox dövlətlər üçün də böyük əhəmiyyət kəsb edir. Deputat vurğulayıb ki, iki dövlətin öz ərazilərində yaratdıqları dəmir yol infrastrukturları birləşdirilərək Şimal-Cənub Nəqliyyat Dəhlizi dünyanın ən önəmli nəqliyyat xəttinə çevriləcək:

 

"Ağbənd istiqamətində yeni avtomobil körpüsü tikilmişdir ki, bu da Şimal-Cənub Nəqliyyat Dəhlizinin bir hissəsi olacaq. Bu avtomobil körpüsü Azərbaycanın əsas hissəsini Naxçıvanla birləşdirməklə yanaşı, həm də Şərq-Qərb Nəqliyyat Dəhlizinin də bir hissəsi olacaq. Prezident cənab İlham Əliyevin xarici siyasətinin əsas prioritetini bütün dövlətlərlə qarşılıqlı hörmət və bir birinin daxili işlərinə qarışmamaq təşkil edir. Ölkə başçımız dəfələrlə vurğulayıb ki, regionda həyata keçirilən bütün layihələr region dövlətlərinin iştirakı ilə həll edilməlidir və regiondan uzaqda yerləşən dövlətin müdaxiləsi yol verilməzdir. Ermənistan dövləti də bu reallığı gəbul etməli və regionda yerləşən bütün dövlətlərlə mehriban qonşuluq münasibətləri qurmalıdır. Bundan sonra Ermənistanın da regional iqtisadi layihələrdə iştirakı mümkün ola bilər".

 

LƏMAN
versus.az

Xəbər lenti

InvestAZ

Ən çox oxunan xəbərlər


“Yenidən müharibəyə başlamaq planları qururlar”

Misir-Azərbaycan əlaqələrinin inkişafından qarşılıqlı GÖZLƏNTİLƏR

El arasında “qulaqdibi” adlanan SVİNKA

MEDİAdan jurnalistlər üçün MÜSABİQƏ

Şahmatçımız Fransa çempionu oldu

Dövlət Əmək Müfəttişliyi Xidmətində QANUN BOŞLUĞU

Bakı-Ağstafa qatarlarına Tovuzda dayanacaq VERİLDİ

Laçına dolu yağıb

Prezident onu MÜKAFATLANDIRDI

“Zəfəri nurlandıran Nurlan” və “Ulu Öndərin işığında” - AMEA-da TƏQDİMAT

İsrailə 19 mindən çox raket atılıb

Bayramqabağı bazarda son VƏZİYYƏT

1209 müəllimin cavab verə bilmədiyi SADƏ SUAL

Şagirdi döyən mühafizəçi QOVULDU

Nəşi tapılan hərbçimiz dəfn edildi