Türk Dövlətləri Təşkilatı mühüm işlərə İMZA ATIR
![icon](http://versus.az/views/versus/images/read.png)
![Türk Dövlətləri Təşkilatı mühüm işlərə İMZA ATIR](http://versus.az/images/article/big/1716485462_289.png)
“Türk Dövlətləri Təşkilatına (TDT) üzv və müşahidəçi ölkələrin Məhkəmə-Hüquq şuralarının sədrləri ilə görüşdük. Bu, bizim ikinci toplantımızdır. Bundan sonrakı görüşlərimiz daha ardıcıl keçiriləcək. Təşkilata üzv dövlətlər olaraq biz qardaşıq və bu gün ölkələrimizin təcrübələrini bölüşdük. Tədbirdə dövlətlərimizi təmsil edən bütün orqanların sədrlərinə təşəkkür edirəm. Onları İstanbulda qonaq etməkdən məmnunuq”.
Versus.az xəbər verir ki, bu fikirləri İstanbulda Azərbaycan mediasına açıqlama verən Türkiyənin ədliyyə naziri, ölkənin Hakimlər və Prokurorlar Şurasının İdarə Heyətinin sədri Yılmaz Tunç söyləyib.
TDT-yə üzv ölkələrin ədliyyə qurumlarının strukturu, fəaliyyəti ilə bağlı oxşar və fərqli cəhətlərin olduğunu qeyd edən nazir tədbirin təcrübə mübadiləsi baxımından da əhəmiyyətini vurğulayıb.
“Ölkələrimizin mühakimə orqanları, o cümlədən notarial, vəkillik, prokurorluq xidmətləri, eləcə də vəkillər kollegiyaları arasında ortaq fəaliyyətləri var və bu, olduqca vacibdir. Türk Dövlətləri Təşkilatı mühüm işlərə imza atır. Ölkələrimizin Məhkəmə-Hüquq şuraları olaraq biz də bu fəaliyyətlərə töhfəmizi vermək istəyirik. Təşkilatımıza dəstək vermək üçün bu gün buradayıq və çox vacib fikirlər ifadə edildi”, - deyə Yılmaz Tunç bildirib.
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?