Yeddi gün “Məlikov”da…
16:03 25-05-2024
|
321 |
Cəmiyyət
![icon](http://versus.az/views/versus/images/read.png)
![Yeddi gün “Məlikov”da…](http://versus.az/images/article/big/1716638602_111.jpg)
Bu günlərdə Ə.D. Məlikov adına Tibb Mərkəzində icbari tibbi sığorta vasitəsilə yeddi günlük stasionar müalicədə oldum.
Adı “pulsuz müalicə” olsa da, əslində buna müalicə demək düzgün olmaz.
Burada yatdığım 7 gündə yalnız sığorta zərfinə daxil olan müayinələrin bir qismindən keçə bildim. Yəni ötən yeddi gün tam müayinəyə kifayət etmədi…
Xəstəxanada olduğum birinci gün sənədləşməyə və yerləşməyə(palata, yataq və s.) sərf olundu…
İkinci gün gəlib təzyiqimi ölçdülər və qan analizi götürdülər. Günortaya yaxın iki-üç həb verib “sistem” deyilən mayeni bədənimə köçürdülər...
“Müalicənin” üçüncü günü bir az dinamik oldu. USM-də qarın boşluğunun müayinəsi, rentgen və “sistem”…
Dördüncü gün yenidən “sistem” və uroloqun, eləcə də endokrenoloqla oftalmotoloq həkimlərin müayinəsi…
Xəstəxanadakı beşinci günüm isə yenidən USM müayinəsi və MRT yoxlaması ilə keçdi. “Sistem” köçürülməsi də öz növbəsində…
Altıncı gün nevropatoloqun müayinəsi ilə yekunlaşdı və “sistem” köçürüldü…
Beləliklə yeddinci gün stasionar müalicənin yekunu kimi epikrizi alıb xəstəxanadan azad olundum…
Doğrudur, heç kimdən əlavə ödəniş və ya rüşvət tələb olunmur. Xəstələrə gündə üç dəfə- səhər, günorta, axşam ortabab yemək verilir, həkimlərin, tibb personalının da peşəkarlığına söz ola bilməz. Amma sözümün canı başqadır: Əslində, bu tip “müalicəyə” stasionar müalicə yox, “stasionar müayinə” deyilsəydi, daha düzgün səslənərdi. Çünki TƏBİB-in göstərişi ilə xəstələrin müalicəsinə ayrılan vaxt yalnız müayinələrə yetir, xəstə heç bir ciddi müalicə ala bilmir. Ortada dövlətin milyonlarla maddi vəsaiti “pulsuz müalicə” adıyla səmərəsiz xərclənir. Axı müayinələri poliklinikalarda da etmək olar. Xəstəxana şəfa ocağı kimi qalmalıdır…
Elman Eldaroğlu
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?