Kamilə Əliyeva: "Fransanın Azərbaycana qarşı təxribatları cavabsız qalmayacaq"

"Fransanın Azərbaycanı antidemokratik adlandırması riyakarlığın ən bariz nümunəsidir. Başqa dövlətlərə “demokratiya dərsi” keçməyə çalışan Fransanın müstəmləkəçi, neokolonialist siyasət yürütməsi hər kəsə məlumdur".

Versus.Az xəbər verir ki, bunu açıqlamasında Milli Məclisin deputatı Kamilə Əliyeva bildirib.

Deputat qeyd edib ki, öz ölkəsində dinc nümayişçilərə qarşı polis zorakılığı, Yeni Koledoniyada müstəqil, azad yaşamaq istəyən kanat xalqına qarşı cinayətlər törədən Fransanın demokratiyadan danışıb Azərbaycanı ittiham etməsi riyakarlıqdır:

"Makron hakimiyyəti son illər 5 dəfə BMT Təhlükəsizlik Şurasında Azərbaycana qarşı qətnamə və qərarlar qəbul etməyə çalışsa da, İlham Əliyein həyata keçirdiyi qətiyyətli, müdrik siyasəti qarşısında acı məğlubiyyət yaşadı. Fransa mətbuatında da antiAzərbaycan yazıların dərc edilməsi Makron hakimiyyətinin acizliyifir. Fransanın Azərbaycana qarşı təxribatları cavabsız qalmayacaq. Sonda Fransa Azərbaycanla düşmənçilik siyasti aparmasının mənasızlığını anlayacaq”.

LƏMAN
versus.az