Türk dünyasının gücləndirilməsinə istiqamətlənən ADDIMLAR

19:18 07-06-2024 | icon 275 | Siyasət
Türk dünyasının gücləndirilməsinə istiqamətlənən ADDIMLAR

Könül İsmayılova: “Azad edilmiş torpaqlarımızda Türk dünyasının birliyini əyani şəkildə görürük”

 

“Davamlı təmaslara ehtiyac var. Çünki hər bir Zirvə görüşü birliyimizin gücləndirilməsinə istiqamətlənmiş addımdır”.

 

Versus.Az xəbər verir ki, bunu Nizami rayon İcra Hakimiyyətinin məsul işçisi, Müasir Müsavat Partiyasının Siyasi Şura və İdarə Heyətinin üzvü Könül İsmayılova Prezident İlham Əliyevin TÜRKPA-nın növbəti plenar iclasının iştirakçılarının qəbulu zamanı etdiyi çıxışı ilə bağlı açıqlamasında bildirib.

 

Türk dünyasının birləşməsi istiqamətində ölkələrimizin böyük səylər göstərdiyini qeyd edən K.İsmayılova prioritet istiqamətlərə diqqət çəkib:

 

“Son illər ərzində Türk Dövlətləri Təşkilatı xətti ilə aparılan işlər birliyimizi daha da gücləndirir. Dövlətimizin təşəbbüsü ilə bir aydan sonra Şuşada Türk Dövlətləri Təşkilatının qeyri-rəsmi Zirvə görüşü keçiriləcək. Ölkə başçımızın da qeyd etdiyi kimi, ildə bir dəfə Zirvə görüşünün keçirilməsi kifayət etməz. Yəni davamlı təmaslara ehtiyac var. Çünki hər bir Zirvə görüşü birliyimizin gücləndirilməsinə istiqamətlənmiş addımdır”.

 

Zirvə görüşünün Şuşada keçirilməsinin böyük rəmzi məna daşıdığını vurğulayan Könül xanım xatırlatdı ki, Şuşa 4 ilə yaxındır işğaldan azad edilib və orada sürətlə quruculuq-bərpa işləri aparılır. Onun fikrincə, Türk Dövlətləri Təşkilatına üzv ölkələrin liderlərinin Şuşaya səfərləri çox böyük önəm daşıyır və bunun özü dünyaya bir mesaj sayılır:

 

“Birliyin göstəricisi kimi Türkiyə, Özbəkistan, Qazaxıstan, Qırğızıstan prezidentlərinin Ağdam və Füzuliyə səfərini göstərmək olar. Bu ərazilərimizdə qardaş ölkələrin təşəbbüsü və maliyyə dəstəyi göz önündədir. Artıq Özbəkistan və Qazaxıstan tərəfindən inşa edilmiş bir məktəb və bir incəsənət mərkəzi fəaliyyətə başlayıb. Bir məktəbin təməlini isə bu yaxınlarda Qırğızıstan Prezidentinin iştirakı ilə Ağdam rayonunda qoyulub. Cəbrayıl rayonundakı bir məntəqədə isə Macarıstanın maliyyə dəstəyi ilə bir məktəb inşa ediləcək.

Bir sözlə, azad edilmiş torpaqlarımızda Türk dünyasının birliyini əyani şəkildə görürük”.

 

Yaxın gələcəkdə Qarabağ, Şərqi Zəngəzur dünyanın ən inkişaf etmiş bölgələrindən birinə çevriləcəyini deyən K.İsmayılova bildirdi ki, erməni vandallarının xarabaya çevidiyi Azərbaycan torpaqlarında bu gün həyat bərpa olunur:

 

“Bu ərazilərimizdə bu gün geniş yol-nəqliyyat infrastrukturu yaradılır. Dəmir yolunun bərpası prosesi də sürətlə gedir. Artıq 4 şəhər və 4 kənd bərpa edilib və keçmiş köçkünlər oraya qayıdıblar. Yeddi mindən çox keçmiş köçkün artıq öz dədə-baba torpaqlarında yaşayır. Bu ilin sonuna qədər bu rəqəm ən azı 20 minə çatacaq”.

 

PƏRİ
versus.az

Xəbər lenti

InvestAZ

Ən çox oxunan xəbərlər

Azərbaycanın ideya və məqsədləri ilə bağlı mesajlar verən BƏYANNAMƏ

"ŞƏT-in Azərbaycana faydası olduğu qədər Azərbaycanın da ŞƏT-ə qiymətli töhfələri var"

"Azərbaycan növbəti dəfə olduqca təsirli bir addım atmış oldu”

“Qarabağ Bəyannaməsi artıq o qüvvələri çıxılmaz vəziyyətə salır”

"Deputatların növbəti görüşü də müsbət dəyərləndirilməlidir"

Ürək bulantısı
XƏSTƏLİKLƏRDİRMİ?

Telejurnalist MTM-nin mətbuat katibi oldu

Bu həftədən seçki sənədlərinin DSK-lara təqdim edilməsinə BAŞLANILIR

Azərbaycanda elektron pullar dövriyyəyə BURAXILACAQ

“WhatsApp” casus PROQRAMIDIR

“Deputatların görüşü vacib görüşlərdən biri kimi səciyələndirilməlidir”

Metroplitendən hər kəsi şok edəcək AÇIQLAMA

Sabah beş rayonda qaz OLMAYACAQ

Ölkə Trendində BİRİNCİ

Sumqayıt çimərliyində ifşa edilən ÖZBAŞINALIQ