Cavanşir Paşazadə: “Ölkəmiz qeyri-neft-yaşıl enerji sahəsində də mühüm addımlar atmağı hədəfləyir”

“Neft-qaz, eləcə də iqtisadiyyatımızın digər sahələrində, eləcə də beynəlxalq müstəvidə tanıdılmağımız hələ ulu öndər Heydər Əliyev tərəfindən, müstəqillik dövründən sonra başlamışdı. O dövrlərdə ulu öndər Azərbaycan dövləti və xalqının iqtisadi gücünü qarantiyaya alan, “Əsrin Müqaviləsi”nin bağlanmasına nail oldu”.

Bunu Versus.az-a deputat Cavanşir Paşazadə Bakı Enerji Həftəsi, eləcə də digər beynəlxalq tədbirlərə ev sahibliyi edən Azərbaycanın dünya arenasında güclənn nüfuzu ilə bağlı açıqlamasında bildirib.

Deputat qeyd edib ki, 30 il müddətində torpaqlarımız işğal altında qaldığı zaman iqtisadiyyatımızın məhz neft sənayesi üzərindən inkişaf etdirilməsinə diqqət çəkir. Onun sözlərinə görə, artıq dövrün tələblərinə görə ölkəmiz qeyri-neft -yaşıl enerji sahəsində də mühüm addımlar atmağı hədəfləyir.

C.Paşazadə 30 il müddətində neft sahəsində əldə edilən gəlirlərin, hərbi sektorun güclənməsi və 44 günlük müharibədə torpaqlarımızın azad olunmasında mühüm rol oynadığını deyib. Deputat Azərbaycanın yaşıl enerji sahəsində tutduğu kurs və bu yöndə Avropaya verdiyi mesajların dövlətimiz, region, eləcə də dünya üçün mühüm töhfələr verəcəyini istisna etməyib.

Prezidentin də söylədiyi kimi, yaşıl enerji layihələrinin inkişaf etdirilmısi Azərbaycanın qeyri-neft sahəsi üzrə dünyaya çıxmasına güc qatacaq.

TAHİRƏ
versus.az