AP-dəki seçkinin nəticəsi qitəni SİLKƏLƏDİ

14:55 10-06-2024 | icon 115 | Siyasət
AP-dəki seçkinin nəticəsi qitəni SİLKƏLƏDİ

Avropa Parlamentində keçirilən seçkinin nəticələri qitədə şok effekti yaradıb.

 

Builki seçkidə sağ partiyalar əhəmiyyətli nəticələr əldə ediblər. Bu da öz növbəsində bir sıra ölkələrdə hakim komandaları çətin vəziyyətə salıb. Xüsusilə, Fransa və Almaniya iqtidarları üçün nəticələr gözlənilməz olub. Fransa prezidenti Emmanuel Makron bununla əlaqədar olaraq təcili parlamentin aşağı palatasını buraxıb və seçki elan edib.

 

AP-də keçirilən seçkinin nəticələrinə əsasən, ən böyük üstünlüyü sağ mərkəzçi Avropa Xalq Partiyası qazanıb. Partiya 720 yerlik parlamentdə 189 mandat qazanıb. Bu, 2019-dakı seçkidəki nəticədən 13 mandat çoxdur.

 

Sosial demokratlar isə yenə ikinci yeri tutsalar da, 4 yer itiriblər. Partiyanın hazırda 135 mandatı var. Liberalların ittifaqı sayılan “Avropanı Yenilə Partiyası” da səs itirib. Onların itkisi 19 mandat olub və üçüncü yerdədir.

 

Bununla belə, AP-də üstünlük üçün 361 deputata ehtiyac var. Bunu böyük partiyaların necə yaradacağı, kimlərlə ittifaqa gedəcəyi hələlik bəlli deyil.

 

Sağ populist partiyaların nəticələri isə əhəmiyyətli dərəcədə artıb. Bununla belə, onlar Brüsselin idarəçiliyinin güclənməsini istəyən mərkəzçilərin sayını keçmirlər.

 

Makron və Şoltsa zərbə

 

Son seçkinin nəticəsi isə ən böyük zərbəni Almaniya və Fransa iqtidarlarına vurub. Makronun partiyası nəticələrə görə ikinci yeri tutduğu halda, Şoltsun partiyası 3-cü yerdə qərarlaşıb.

 

Belə ki, Almaniyadakı nəticələrə əsasən, ilk yerdə Merkelin partiyası sayılan Xristian Demokratlar, ikinci yerdə isə sağ-populist Almaniya üçün Alternativ Partiyası qərarlaşıb. Almaniyanın AP-də ən çox deputat sayı (96) olduğu nəzərə alınarsa, bu, Şolts üçün gözlənilməz olub.

 

Fransanın isə parlamentdə 81 yeri var. Makron üçün ən pis xəbər isə onun partiyasının ən böyük rəqibi sayılan sağçı Milli İttifaq Partiyasına uduzmasıdır. Marin Le Penin partiyasının nəticələri Makronun siyasi qüvvəsindən ən azı iki dəfə çox olub.

 

Ən pis nəticə

Seçkinin ilkin nəticələrinə görə, ən ağır itkiyə Yaşıllar məruz qalıb. Belə ki, Yaşıllar bu il AP-də 29 yer itirərək, 53 manat sahibləniblər. 2019-da onların mandatı 72 idi.

 

Digər partiyaların göstəriciləri aşağıdakı kimidir:

 

Avropa Konservatorları və Reformatorları Fraksiyası – 72

Sağ millətçilərin İdentiklik və Demokratiya Fraksiyası – 58

Fraksiyasız deputatlar – 95.

 

 

Ə.Xəlil

Xəbər lenti

InvestAZ

Ən çox oxunan xəbərlər


“Yenidən müharibəyə başlamaq planları qururlar”

Misir-Azərbaycan əlaqələrinin inkişafından qarşılıqlı GÖZLƏNTİLƏR

El arasında “qulaqdibi” adlanan SVİNKA

MEDİAdan jurnalistlər üçün MÜSABİQƏ

Şahmatçımız Fransa çempionu oldu

Dövlət Əmək Müfəttişliyi Xidmətində QANUN BOŞLUĞU

Bakı-Ağstafa qatarlarına Tovuzda dayanacaq VERİLDİ

Laçına dolu yağıb

Prezident onu MÜKAFATLANDIRDI

“Zəfəri nurlandıran Nurlan” və “Ulu Öndərin işığında” - AMEA-da TƏQDİMAT

İsrailə 19 mindən çox raket atılıb

Bayramqabağı bazarda son VƏZİYYƏT

1209 müəllimin cavab verə bilmədiyi SADƏ SUAL

Şagirdi döyən mühafizəçi QOVULDU

Nəşi tapılan hərbçimiz dəfn edildi