Bəzi deputatlarla bağlı BƏD XƏBƏR
![icon](http://versus.az/views/versus/images/read.png)
![Bəzi deputatlarla bağlı BƏD XƏBƏR](http://versus.az/images/article/big/1719473724_762.jpg)
Qarşıdan gələn növbədənkənar parlament seçkiləri müzakirələrə səbəb olub. İctimaiyyəti daha çox yaşı 70-də yuxarı olan deputatların yenidən seçilib-seçilməyəcəyi düşündürür.
Görəsən, ağsaqqallardan kimin yenidən deputat olmaq şansı var, kimin yoxdur?
Mövzunu şərh edən politoloq Vəli Əlibəyovun sözlərinə görə, nəzəri baxımdan hər bir Azərbaycan vətəndaşının, o cümlədən, yaşı 70-dən yuxarı olan istənilən şəxsin deputat olmaq şansı var.
O deyib ki, Azərbaycan qanunvericiliyində deputatların yaşı ilə bağlı hər hansı bir məhdudiyyət yoxdur:
“Hazırda fəaliyyətdə olan deputatlara gəldikdə, onların özlərindən də çox şey asılıdır. Əgər bir insanın səhhəti, fiziki forması, əqli imkanları deputat kimi məsuliyyətli bir vəzifə daşımağa imkan verirsə, o, niyə də yenidən namizədliyini irəli sürməsin? Onların həyat və iş təcrübəsi Azərbaycana lazımdır. Söhbət bu vaxta qədər öz vəzifələrinin məsuliyyətini dərk edən, seçicilərinin ümidlərini doğruldan millət vəkillərində gedir”.
Politoloq gənc və yaşlı deputatların işini müqayisə edib:
“Təəssüflə qeyd etməliyəm ki, parlamentdə tək 70+ deyil, bu yaşdan qat-qat cavan xeyli deputat var ki, onlar fəaliyyətdə olduğu illər ərzində nə seçicilər, nə də dövlət üçün bir xeyir iş görməyiblər. Bu baxımdan, o şəxslər namizədliklərini yenidən irəli sürsələr belə, seçilmək imkanları olduğca azdır”.
70-dən çox yaşı olan deputatların bir qisminin adlarını təqdim edirik:
Fəzail Ağamalı (77 yaş), Ziyad Səmədzadə (84 yaş), Vahid Əhmədov (77 yaş), Əhliman Əmiraslanov (77 yaş), İsa Həbibbəyli (75 yaş), Aqil Abbas (71 yaş), Eldar İbrahimov (79 yaş), Eldar Quliyev (73 yaş), Asim Mollazadə (71 yaş), Rasim Musabəyov (73 yaş), Elman Məmmədov (74 yaş), Əli Məsimli (71 yaş), Aqiyə Naxçıvanlı (74 yaş), Cavanşir Paşazadə (71 yaş), Anatoliy Rafailov (71 yaş), Sabir Rüstəmxanlı (78 yaş), Tahir Rzayev (74 yaş), Bəxtiyar Sadıqov (73 yaş), Sədaqət Vəliyeva (70 yaş), Mixail Zabelin (78 yaş). /globalinfo.az/
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?