Maaş və pensiyalarla bağlı AÇIQLAMA
![icon](http://versus.az/views/versus/images/read.png)
![Maaş və pensiyalarla bağlı AÇIQLAMA](http://versus.az/images/article/big/1719984541_657.jpg)
Ötən həftənin bazar günü verilən qiymət artımı qərarı hələ müzakirə edilir. Bu qərarı müdafiə edənlər, əsaslandıranlarla yanaşı, onu tənqid edənlər də var.
İnsanlar son qiymətarımının ərzağı da bahalaşdıracağından narahatdırlar. Hazırda hər kəsi eyni sual düşündürür: bahalaşma fonunda maaş və pensiyalar artırılacaqmı?
Mövzu ilə bağlı danışan deputat Aqil Abbas deyib ki, baş verən bahalaşmadan sonra dövlət artıq əhalinin sosial rifahını fikirləşməlidir.
Onun fikrincə, bundan sonra maaş və pensiyalar artırıla bilər:
“Amma bunu dəqiq deyə bilmərəm. Mənə qalsa, istər maaşlar, istərsə də təqaüdlərdə artım olmalıdır. Çünki bahalaşma əhaliyə ziyan vurmuş olur. Ziyanın qarşısını almaq üçün də maaş və pensiya mütləq artırılmalıdır. Təkcə dövlət müəssisələri deyil, özəl şirkətlər də işçilərin dolanışığını fikirləşməlidir”.
İqtisadçı Natiq Cəfərli deyib ki, Azərbaycanda bu günə qədər təqaüdlər artırılsa da, il ərzində maaş artımına qərar verilməyib:
“Düşünürəm, seçkilərdən öncə hökumətin qərarı ilə minimum əməkhaqqı və maaşların artımında təqribən 5-10 faiz arası artım gözləmək olar. Bu, həm seçkilər öncəsi atıla biləcək bir addımdır, həm də bahalaşmanı müəyyən dərəcədə kompensasiya edə bilər”.
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?