Bu tələblər yerinə yetirilməzsə…
![icon](http://versus.az/views/versus/images/read.png)
![Bu tələblər yerinə yetirilməzsə…](http://versus.az/images/article/big/1720099338_75.jpg)
Razi Nurullayev: “Bu o demək olar ki, nəyinsə skleti yaradılır, amma onun içi boş qalır”
“Ermənistanın Konstitusiya aktından keçmiş Dağlıq Qarabağın Ermənistana birləşdirilməsi, anneksiya edilməsi ilə bağlı müddüəlar çıxarılmadan sülh müqaviləsinin bağlanması riskdir. Ermənistan Konstitusiyasında elə bir müddəa qalarsa, Paşinyandan sonra hakimiyətə gələnlər bu məsələni qaldıracaq və Azərbaycana qarşı yenidən ərazi iddialarını ortaya atacaq”.
Versus.Az xəbər verir ki, bunu Prezident İlham Əliyevin Kanada səfiri ilə görüşü ilə bağlı açıqlamasında deputat Razi Nurullayev bildirib.
Deputat qeyd edib ki, bu şəkildə sülh müqaviləsinin bağlanması gələcək nəsillər üçün yeni problemin yaradılması olar:
“Azərbaycan buna getməyəcək. Bu məsələdə ölkə Prezidentinin qətiyyətli mövqeyini görürük, bütün xalq buna şahiddir. Ona görə də Ermənistan həmin müddəanı mütləq şəkildə Konstutisiyasından çıxarmalıdır. Yalnız ondan sonra Azərbaycan Ermənistanla sülh müqaviləsini bağlaya bilər”.
R.Nurullayev çərçivə sülh müqaviləsinə diqqət çəkərək, bunu mümkün, bağlanmasını isə istisna edib. Onun fikrincə, bu o demək olar ki, nəyinsə skleti yaradılır, amma onun içi boş qalır:
“Azərbaycan Ermənistana təzyiq göstərməlidir ki, haqqın yoluna gəlsin. Azərbaycana və Türkiyəyə qarşı iddialarını geri götürməlidir. Eməniərin Qarabağa qayıtmasını istəyirlər. Amma bu o zaman mümkün ola bilər ki, Qərbi Azərbaycan icması da beynəlxlq ictimaiyyət tərəfindən qəbul olunur və o siyahıda olan insanlar öz dədə- baba yurduna qayıtmalıdır. Azərbaycanlıların İrəvandan qovulması təkcə 1988-ci ildə baş verməyib. 20-ci əsrdə ən azı 3-4 dəfə etnik təmizləşməyə məruz qalıb. Ermənistan azərbaycanlıların öz yuduna qayıtmasına razılıq verməlidir. Bu tələblər yerinə yetiriləszə sülh müqaviləsi bağlanmayacaq”.
R.Nurullayev sülh müqavləsinin bu il ərzində bağlanmasına çox az inandığını deyib. Çünki Ermənistan əsaslı addımlar atmaqdan uzaqdır:
“Mövqelər yaxınlaşır, müsbət siqnallar gəlir. Amma bütün bunlar sülh müqaviləsinin bir neçə ay müddətinə bağlanması anlamına gəlmir”.
LƏMAN
versus.Az
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?