Dördüncü "Yüksəliş" müsabiəsinin FİNALÇILARI
![icon](http://versus.az/views/versus/images/read.png)
![Dördüncü "Yüksəliş" müsabiəsinin FİNALÇILARI](http://versus.az/images/article/big/1720781373_756.jpg)
5-7 iyulda baş tutmuş dördüncü "Yüksəliş" müsabiqəsinin yarımfinal mərhələsinin nəticələri açıqlanıb. Bu mərhələdə iştirak edən 315 namizəddən 118-i finala vəsiqə qazanıb.
Bakıdan 74, regionlardan isə 44 nəfər final mərhələsinə keçib. Onlardan 99-u kişi, 19-u isə qadındır. Qeyd edək ki, finalçılar arasında beynəlxalq, özəl və dövlət şirkətlərində, həmçinin QHT-lərdə çalışan namizədlər yer alır.
Yarımfinal mərhələsində iştirakçılara 12 keys ünvanlanıb və onlar 4 fərqli komandada bu keysləri həll etməyə çalışıblar. Namizədlərin dinamik bölüşdürülməsi nəticəsində hər bir iştirakçı, iki gün ərzində 8 ekspert tərəfindən qiymətləndirilmiş oldu. Bu da öz növbəsində şəffaf dəyərləndirilmənin həyata keçirilməsinə imkan yaratdı.
Qeyd edək ki, final mərhələsinə keçid üçün minimal bal 15 təyin olunub.
Müsabiqənin son mərhələsi olan finalda iştirakçılar 2 gün ərzində qalibiyyət uğrunda öz bilik və bacarıqlarını nümayiş etdirəcəklər. İştirakçılar ekspertlər tərəfindən “İdarəçi rollar modeli” üzrə qiymətləndiriləcəklər. Qiymətləndirmə təqdim edilən keyslər üzrə aparılacaq.
Xatırladaq ki, dördüncü “Yüksəliş” müsabiqəsinin final mərhələsi 19-21 iyul tarixlərində “Bakı Ekspo Mərkəzi”ndə baş tutacaq.
“Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı Sərəncamla təsis olunub. Müsabiqə qalibləri mentorlar tərəfindən birillik fərdi inkişaf planı və özünüinkişaf üçün 20 min manat məbləğində pul mükafatı əldə edirlər.
Sayca dördüncü “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 25 dekabr 2023-cü il tarixində müvafiq Sərəncam imzalanıb.
![](https://azreform.info/source/banner/index.jpg)
Xəbər lenti
![](http://versus.az/images/article/big/1725726805_281.jpg)
AYNA-nın Təlim Mərkəzindən ŞİKAYƏT
Sürücülərdən hər dəfə niyə fərqli ödəniş TƏLƏB olunur?