Vaqif Mustafazadənin 45 il öncə lentə alınan və bu vaxta qədər heç vaxt yayılmayan ifası təqdim edilib.
Versus.Az xəbər verir ki, ifanı tanınmış jurnalist Kamil Şahverdi paylaşıb.
O bildirib ki, təqdim edilən əsər ünlü bəstəkar, Bakı Musiqi Akademiyası Bəstəkarlıq kafedrasının müdiri, professor Aydın K. Azimin mövzusunda fantaziyadır:
“Pianoda Vaqif Mustafazadə, gitarada Ələsgər Abbasov, zərbdə Pərviz Ədib, bas gitarada Nazim Quliyev. Bu əsər 1979-cu ildə Vaqif Mustafazadənin son konsertlərindən birində ifa olunub. Bu əsəri iık dəfə eşidəcəkdiniz. 45 il bundan əvvəl ifa olunan şedevr fantaziyanı ilk dəfə sizə təqdim etməkdən qürur duyuram. Bu lent yazısının üzə çıxması üçün dəyərli dostumuz, caz musiqisinin mahir bilicisi və təbliğatçısı Tofiq Həsənsoya təşəkkürlər!” /kult.az/