“The Rolling Stones” yeni albom buraxacaq
560 |
Şou-biznes
Əfsanəvi rok qrupu “The Rolling Stones” oktyabrın 20-də yeni studiya albomunu təqdim edəcək.
Bu barədə qrupun ifaçısı Mik Caqqer aparıcı Cimmi Fallonun “YouTube”da yayımlanan verilişində bildirib.
“Biz bu gün “Angry” adlı yeni sinqlı və onun videoklipini təqdim etmək üçün buradayıq. Bu, “Hackney Diamonds” albomunun ilk sinqlıdır və oktyabrın 20-də satışa çıxarılacaq”, - Caqqer məlumat verib.
Qeyd edək ki, “Hackney Diamonds” qrupun barabançısı Çarli Uottsun 2021-ci ildəki vəfatından sonra buraxılan ilk albom olacaq. Bu həm də 18 ildən sonra orijinal mahnılara malik birinci albomdur.
Qeyd edək ki, 80 yaşlı Caqqer, 79 yaşlı Riçards və 76 yaşlı Vud hələ də çıxışlarına davam edirlər.
Xəbər lenti
Füzuliyə qayıdış davam edir
Bu mərhələdə Füzuli şəhərinə daha 39 ailə - 153 nəfər köçürülür
