“Odlar Yurdu” Avropa Kubokunda

14:12 04-11-2019 | icon 103 | İdman
“Odlar Yurdu” Avropa Kubokunda

Monteneqronun Ultsin şəhərində 10-16 noyabr tarixlərində 35-ci şahmat üzrə klublararası Avropa Kuboku yarışı keçiriləcək.

 

Versus.Az xəbər verir ki, kişilərin yarışında Avropanın 68 komandası çıxış edəcək.

 

İlk dəfə təsis olunmuş “Vüqar Həşimov” komandası məhz bu yarışda debütünü reallaşdıracaq. Komandamızın heyətində Rauf Məmmədov, Vüqar Əsədli, Ülvi Sadıqov, Anar Allahverdiyev, Aydın Süleymanlı, Əhməd Əhmədzadə iştirak edəcək.

 

Həmçinin, Rauf Məmmədovun rusiyalı həyat yoldaşı, 2015-ci ildə 20 yaşadək qızlar arasında dünya çempionu olmuş Nataliya Buksa da bu komandada – kişilərin yarışında çıxış edəcək. Yeddi turdan ibarət olan yarışda komandamız Avropa çempionatının reytinqinə görə 14-cü komandasıdır (2484 xal).

 

Azərbaycan millisinin üzvü Şəhriyar Məmmədyarov reytinqinə görə Avropanın bir nömrəli komandası olan Makedoniyanın “Alkaloid” klubu (2706) adından çıxış edəcək. O, birinci lövhədə oynayacaq. Nicat Abbasov 18-ci komanda olan Avstriyanın “Rayka Rapid” klubunda (2447) bir nömrəli şahmatçı qismində mübarizə aparacaq.

 

Qadın klubların yarışında isə 14 komanda yarışacaq. Yenə də SOCAR-ın sponsoru olduğu “Odlar Yurdu” komandası ölkəmizi təmsil edəcək. Komandamız 2383 xalla reytinqinə görə altıncıdır. Heyətdə Avropa üçüncüsü olan şahmatçılarımızdan Türkan Məmmədyarovanı onun böyük bacısı Zeynəb əvəzləyəcək. Günay Məmmədzadə, Ülviyyə Fətəliyeva, Xanım Balacayeva və Gülnar Məmmədova yenə iş başında olacaq.

 

Qeyd edək ki, yeddi turdan ibarət olacaq yarışın hakimlərindən biri 1992-ci ilin Avropa üçüncüsü İlahə Qədimovadır.

Xəbər lenti

InvestAZ

Ən çox oxunan xəbərlər

Əli Həsənov, Vüqar Səfərli və Əflatun Amaşov həbs edilir?

Tovuzda “Tariximizi və mədəniyyətimizi dərindən öyrənək” adlı aksiya keçirilib

Naxçıvan istiqamətində GƏRGİNLİK

"Cümhuriyyət tariximizlə qürur duyuruq"

102 yaşın mübarək, Azərbaycan!

"Əminəm ki, bizim müstəqillik inkişafımız davamlı olacaq"

Mehriban Əliyeva Azərbaycan xalqını təbrik edib

"Dövlətimiz əbədi, milətimiz uca olsun hər zaman"

"Cumhuriyyət günün mübarək, Azərbaycan!"

Bu qabiliyyət imtahanları keçirilməyəcək

"Azərbaycanımızı özümüzdən başqa kim qoruyacaq?!"

Atəşkəs 23 dəfə pozulub

Cəbhədə gərginlik

"Azərbaycanımız daha güclü, bütöv dövlətlərdən biri olsun"

Hindistanda koronavirusa yoluxanların sayı 151 mini ötüb