Azərbaycanın daha bir qələbəsi
Kamilə Əliyeva: “Ermənistanın havadarlarının çabaları boşa çıxır”
“Qazax rayonunun 4 qeyri-anklav kəndinin bir güllə atılmadan Azərbaycana qaytarılması ölkəmizin daha bir tarixi gələbəsidir. Bu, Müzəffər Ali Baş Komandan Prezident cənab İlham Əliyevin parlaq qələbəsidir”.
Versus.Az xəbər verir ki, bunu açıqlamasında Milli Məclisin deputatı Kamilə Əliyeva bildirib.
Deputat qeyd edib ki, Ermənistan və onun Qərbdəki havadarlarının bütün təzyiqlərinə, təxribatlarına baxmayaraq ölkə başçımızın siyasi iradəsi, qətiyyəti bu tarixi qələbəni təmin etdi:
“Prezidentimiz hər zaman Azərbaycan dövləti və Azərbaycan xalqının milli maraqlarını hər şeydən üstün tutub və dəfələrlə vurğulayıb ki, bir qarış torpağımız da işğal altında qalmayacaq”.
K.Əliyeva hesab edir ki, sərhədlərin delimitasiyası prosesində atılan bu addımın heç bir vasitəçi olmadan iki dövlətin rəsmi şəxsləri tərəfindən razılaşdırılması müsbət bir haldır:
“Ölkə başçımız da dəfələrlə vurğulayıb ki, iki dövlət arasında mövcud problemlər üçüncü tərəf olmadan həll olunmalıdır. Güman edirəm ki, Ermənistan rəhbərliyi bu həqiqəti anlayır”.
T.Qafarlı
Xəbər lenti
Xətai rayon prokurorluğunda “Yaşıl dünya üçün hüquqi yeniliklər”
Ətraf mühitin mühafizəsi, habelə prokurorluq orqanlarının fəaliyyəti ilə...