AQTA Şamaxı rayonunda sahibkarlarla görüş keçirib
553 |
İqtisadiyyat
Azərbaycan Respublikasının Qida Təhlükəsizliyi Agentliyi (AQTA) bölgələrdə sahibkarların maarifləndirilməsi istiqamətində tədbirləri davam etdirir.
Versus.Az xəbər verir ki, AQTA əməkdaşları Şamaxı rayonunda ölkəmizdə kənd təsərrüfatı məhsullarının istehsalına və emalına dair Strateji Yol Xəritəsinin 6.3.5 bəndinin icrası ilə əlaqədar olaraq ixracatçılarla görüş keçiriblər.
Agentliyin şöbə müdiri Əkbər Əliyev kənd təsərrüfatı məhsullarının ixrac potensialının artırılması istiqamətində Strateji Yol Xəritəsində nəzərdə tutulan işlər haqqında sahibkarlara məlumat verib.
Bildirilib ki, kənd təsərrüfatı məhsullarının istehsalına və emalına dair Strateji Yol Xəritəsinin 6.3.5 bəndində sertifikatlaşdırma sisteminin təkmilləşdirilməsi, beynəlxalq standartların təmin edilməsi nəzərdə tutulub. Məlumat verilib ki, həmin bəndə əsasən ixrac məhsullarının beynəlxalq bazarların tələblərinə uyğunlaşdırılması üçün sertifikatlaşdırma sistemi təkmilləşdiriləcək, həmçinin beynəlxalq sertifikatların alınmasında ixracatçı fermerlərə dəstək veriləcək.
Sonda sahibkarların sualları cavablandırılıb.
Versus.Az
Xəbər lenti
Erməni vəhşiliyinin NÖVBƏTİ İZİ
"Ermənilərin vəhşiliyi, onsuz da, göz önündədir"
