Başqalarını müzakirə etməyi sevirik

14:52 14-05-2018 | icon 618 | Köşə
Başqalarını müzakirə etməyi sevirik

 

AĞANİSƏ SULTANOVA

 

 

Küçədə görəndə ki, kimsə əlindəki tullantını zibil qabına atır, yaxınlaşıb təşəkkür etmək istəyirəm.

 

Bir şəhərin, rayonun, kəndin, küçənin təmizliyi onun insanlarından asılıdr. Bakı bu gün təkcə bizim yaşadığımız şəhər deyil, ölkəyə hər gün iş, turizm məqsədilə nə qədər əcnəbi vətəndaşlar gəlir. Açığını deyim ki, mən çox utanıram. Şəhərin mərkəzi küçələrində ifadəmə görə üzr istəyirəm, zibillikdən, tüpürcəkdən, daha nələrdən.... addım atmaga yer yoxdur.

 

Avtobus dayanacağında fikir verirəm, 10-larla adam dayanıb, düz bir addımlığında 4-5 zibil qabı var. Siqaret kötüklərini, dönər kağızlarını, su qablarını yerə atırlar, elə bil belə də olmalıdır. Əlində süpürgə, xəkandaz olan yaşlı qadınlar, kişilər isə onların yerə tökdüklərini yığıb zibil qabına boşaldırlar.

 

Allah rəhmət eləsin, bu yaxınlarda avtomobil qəzası nəticəsində dünyasını dəyişən təmizlikçilərə. Əslində bunun bir günahı da bizdədir. Yəqin ki, avtomobilin şüşəsini açıb, ən yumşaq formada desəm, zibilləri kücəyə atanları görmüsünüz. Sonra da həmin təmizlikçilər onların tökdüklərini yığışdırmağa məcburdular.

 

Sosial şəbəkələrdə tez-tez Azərbaycana gələn ərəb turistlərdən yazanları görəndə, açığı təəccüblənirəm. Biz özümüzü deyil, həmişə başqalarını müzakirə etməyi sevirik. Ərəb ölkələrinin çoxunda olmuşam və şəhərlərin təmizliyinə, insanların yaşadığı yerləri necə qoruduğuna heyrət də qalmışam. Bir çox Ərəb əlkələrində bununla bağlı çox yüksək cərimələr mövcuddur. Fikrimcə, Azərbaycanda da ən yüksək məbləğdə belə cərimələr tətbiq olunmalıdır.

 

İctimai nəqliyyatımız da küçələrimidən fərqli deyil. Artıq “Bakı Bus” avtobuslarının oturacaqlarında, qoltuqlarda yapışdırılan saqqızlar, “ənənəvi” adyazmalar, ürək şəkilləri, yerə atılan zibillər adi hala çevrilib.

 

Bəlkə də şablon səslənəcək, insan yaşadığı evi necə saxlayırsa, təmizliyinə fikir verirsə, məncə, öz şəhərinə də elə baxmalıdır. Hələ binaların bloklarının qarşısındakı zibil torbalarını demirəm. Butun bunlara riayət etmək pul, əlavə nəsə tələb etmir. Əgər insanların arasında kostyumda, qalstukda, yekəqarın kişi yüksəkdən öskürüb, asqırıb burnundakını yerə tökürsə, artıq buna heyvan da deməyə dilin gəlmir, ən azından heyvanları təhqir etmiş olaram.

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

15 yaşında Şəhadətə yüksəlmiş Tiqanamız

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

DƏRD AĞACINDAN ASILI QALAN ŞƏHİD ARZULARI

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

"Asma körpü"nün bərpasi ücün rayon rəhbərliyinə müraciət edirəm

Dövlət komitəsi Məhərrəmlik ayı ilə bağlı müraciət etdi

Jurnalistin qardaşının evi yenə qarət edildi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür