Sırdərya daşdı

Özbəkistanın Sırdərya vilayətində iki il bundan öncə tikilən su tutumu 922 milyin kubmetr olan Sardoba su anbarı kəskin hava şəraitindən və yağıntının miqdardan çox olması səbəbindən daşaraq, öz məcrasını aşıb, Sırdərya çayı sahillərində yerləşən şəhər və qəsəbələr su altında qalıb.

Versus.az xəbər verir ki, su daşması nəticəsində Cizak vilayətininin də əkin sahələrini və məhəllələrini su basıb.

Özbəkistanın Fövqəadə Hallar Nazirliyinin verdiyi xəbərə görə fəlakət baş verən ərazilərdən 76 min nəfər insan təxliyyə olunub. Sakinlər arasında zərəçəkənlər də vardır. Onlar da tibb mərkəzlərinə yerləşdirilirlər. Dünən may ayının 1-dən başlayan güclü külək və yağıntının səbəbindən baş verən daşqın hadisəsi yaşayış massivlərinə, məhəllələrə, əkin sahələrinə ciddi ziyan vurub. Nazirlik nəzdində 1205, 1250 nömrələrində qaynar xətt yaradılıb. Özbəkistanın prezidenti Şavkat Mirzoyev bu gün hökumətin nümayəndələri ilə hadisə baş verən ərazilərə gəlib.

Və onlara fəsadlar aradan qaldırılmayınca fəlakət zonasını tərk etməməyi tapşırıb. Vətəndaşlarla görüşərək, dövlətin onların yanında olduğunu deyib.

Sırdərya çayının daşıb məcrasından çıxması Özbəkistanla həmsərhəd olan Qazaxıstanda da böyük fəsadlar törədib. Türküstan vilayətinin Maktaaral, Jenis, sardoba, Jana Turmıs və Nurlı Jol rayonunda yaşayan sakinlər təxliyyə olunub. 5400 ailə məktəblərdə və digər mərkəzlərdə yerləşdirilib.

Qazaxıstan prezidenti Qasım Cömərd Tokayev də Türküstan vilayətində su daşqınından ziyan çəkənlərə təcili kömək göstərilməsi üçün tapşırıq verib.