“Həmkarlar və əmək hüquqlarına baxış” - DƏYİRMİ MASA

İyulun 21-də Müstəqil Həmkarlar Birliyinin təşkilatçılığı ilə “Həmkarlar və əmək hüquqlarına baxış” mövzusunda dəyirmi masa keçirilib.

Versus.Az xəbər verir ki, bu barədə Müstəqil Həmkarlar Birliyinin Mətbuat Xidmətinin məlumatında bildirilib.

QHT və Media nümayəndələrinin iştrak etdiyi tədbirdə ictimai məsələlərə diqqət çəkilib, sosial problemlərə diqqət və qayğının artırılması yolları müzakirə edilib. Eyni zamanda, işçilərin əmək hüquqların qorunması, mövcud olan problemlərin həlli ilə bağlı fikir mübadiləsi aparılıb.

Öncə MHB-nin sədri Fuad Əliyev, onun müavinləri Əhməd Rəhmanov və Xəzər Teyyublu Birliyin fəaliyyəti, daxil olan şikayətlər və problemlərdən danışdılar, 

Sonra İlk Snayper Qadın, Qarabağ Qazisi, Qarabağ Əliləri və Veteranları İctimai Birliyinin sədri Növrəstə Yusifova çıxış edərək qazilərin üzləşdikləri problemlərdən söz etdi. Bildirdi ki, MHB əmək hüquqları pozulan vətəndaşların yanında olmaqla, hüquqlarını qorumaqla düzgün yoldadır.

"Vətəndaşların Sosial Rifahı Naminə” İctimai Birliyinin sədri İradə Rizazadə çıxışında sadalanan problemlərin həlli yolunun birgə araşdırılmasını müsbət dəyərləndirib. O, MHB-nin fəaliyyətinə uğurlar arzulayaraq fəaliyyətin daha yüksək səviyyədə olması üçün dəstəyə böyük ehtiyacın olduğunu əsas gətirdi.

AYSEL
Versus.Az