"Sosial şəbəkələrlə bağlı xüsusi qanuna ehtiyac yoxdur"
Sərdar Cəlaloğlu: “Sosial şəbəkələrin fəaliyyəti “Mətbuat haqqında qanun”a uyğun bir şəkildə tənzimlənməlidir”
“Sosial şəbəkələrin fəaliyyəti “Mətbuat haqqında qanun”a uyğun bir şəkildə tənzimlənməlidir”.
Bunu Versus.az-a ADP sədri Sərdar Cəlaloğlu ABŞ prezidenti Donald Trampın sosial şəbəkələrə nəzarətlə bağlı verdiyi son qərarın özünü Azərbaycanın sosial şəbəkələrində hansı hüququ aspektdə biruzə verə bilməsi ilə bağlı açıqlamasında deyib.
S.Cəlaloğlu hesab edir ki, sosial şəbəkələrin fəaliyyəti “Mətbuat haqqında qanun”a uyğun bir şəkildə tənzimlənməlidir:
“Çünki sosial şəbəkələr özü də kütləvi informasiya vasitələrinin bir formasıdır. Ona görə də xüsusi qanuna ehtiyac yoxdur. Kütləvi informsiya vasitələri haqqında qanun eyni zamanda sosial şəbəkələrdə də tətbiq olunmalıdır”.
O ki, qaldı Trampın məlum qərarının Azərbaycanda necə əks olunması məsələsinə, partiya sədri belə məsələlərin ABŞ-la müqayisə edilib, eyni şəkildə yerinə yetirilməsini yalnız bərabər güc və imkanlar daxilində reallaşması əsasında mümkün hesab edib. Onun fikrincə, ABŞ-da olan demokratiya və azadlığa uyğun məhdudiyyətlər də bərabər olmalıdır.
LƏMAN
Versus.az
Xəbər lenti
Deputatlar 3 məsələyə görə TOPLAŞDI
Əmək və sosial siyasət komitəsinin iclası keçirilir