Azərbaycan diasporu: Haradan haraya...

12:52 04-07-2020 | icon 481 | Cəmiyyət
Azərbaycan diasporu: Haradan haraya...

Sabah Diasporla İş üzrə Dövlət Komitəsinin (Əvvəlki adı Xaricdə Yaşayan Azərbaycanlılarla İş üzrə Dövlət Komitəsi) yaradılmasının 18 ili tamam olur.

 

Versus.Az xəbər verir ki, Milli Məclis sədrinin müavini Fəzail İbrahimli açıqlamasında Azərbaycan diasporunun keçdiyi yola nəzər salıb.

 

Azərbaycanın taleyində qaranlıq yeni bir tarixi səhifə...

 

“Burada biri-birilə bağlı olan daxili və xarici problemlərdən söhbət gedir. Daxildə ciddi qarşıdurma, xaricdən Azərbaycanın geosiyasi vəziyyəti, böyük dövlətlərin Azərbaycan marağı və bu maraqlar altında məkrli niyyətlər... Təbii ki, belə bir məqamda xarici və daxili düşmənləri birləşdirəndə Azərbaycanın taleyində qaranlıq yeni bir tarixi səhifə açıla bilərdi. Məlumdur ki, bu proseslər 1993-cü ildən özünəməxsus formada başladı. Bu da ulu öndər Heydər Əliyevin ikinci dəfə hakimiyyətə gəlişi ilə bağlıdır”.

 

Vilson Azərbaycanı tanımır...

 

Fəzail İbrahimli Azərbaycanın müstəqilliyik əldə etdiyi dönəmlərdə dövlətə qarşı çevriliş cəhdlərinin hər kəsin gözü önündə baş verdiyini xatırladıb:

“O zaman daxili problemlərin həllinə rəvac verə biləcək xarici dəstəyə ehtiyac vardı. Bu da Azərbaycan diasporunun fəaliyyətini xaricdə yaşayan azərbaycanlılar vasitəsilə təmin etməkdən ibarət idi. Çünki Azərbaycanın ideoloji işinə yardım kifayət qədər ciddi məsələlərdən biri idi. Fikirlərimi əsaslandırmaq üçün bir haşiyə çıxım. Cümhuriyyət dövründə Azərbaycanın tanınması məsələsi ortaya qoyulmuşdu. Azərbaycan xaricdən dəstək almalı idi. O vaxtı Amerikanın prezidenti Vudro Vilsonda rəy yaradılması önəmli idi. Təsəvvür edin, Vilson Azərbaycanı tanımır, Ermənistan və Gürcüstan haqqında eşidib. Ancaq Azərbaycana gəlincə, qeyri-müəyyən taleyi olan dövlətin tarixinə necə imza ata bilərdi! Məhz o dövrdə diasproun fəaliyyəti çox vacib idi. Ona görə də Amerikada fəaliyyəti bərpa etmək üçün Azərbaycan məcbur olub amerikalı vəkil tutdu ki, Azərbaycanın haqq işini Amerikada yaysın. Bu o vaxtlar üçün çox vacib idi. Çünki erməni diasporu xeyli öndə idi”.

 

 

 

Cəfərdən adını soruşanda “Cek” deyirdi

 

Sədr müavininin sözlərinə görə, bütün xarici səfərlərində Ulu öndərin əlində qələm xəritə qarşısında dünyaya Qarabağın Azərbaycan torpaqları olduğunu bəyan edib:

“Amma dünyanın bizə inanması üçün də ideoloji müharibədə qələbə çalmamız gərəkli idi. Burada ən vacib amillərdən biri xaricdə yaşayan azərbaycanlıların vahid bir mərkəzdən idarə olunmasıdır. Bu ideoloji müharibədə bizə dəstək lazım idi. Bütün bunların hamısı ölçülüb biçildi və nəticədə bizim üçün çox çətin də olsa, Diasporla İş üzrə Dövlət Komitəmizi yaratdıq. Gəlin bəzi məqamlara nəzər salaq. Əvvəllər Rusiyaya gedən Əkbər adını dəyişib Alik qoyurdu. Amerikada təyyarədən düşən Cəfərdən adını soruşanda “Cek” olduğunu deyirdi. Bunların hamısı ciddi problemlər idi. Ona görə də Azərbaycan diasporu çətin addımları aşmalı idi. Bunun üçün illər keçməli idi”.

 

 

 

Dövlət Komitəsinə Fuad Muradovun təyin olunması diaspor tarixinin işində yeni mərhələ oldu

Fəzail İbrahimli diaspor sahəsində son illərdəki irəliləyişi yüksək qiymətləndirib:  

“Diaspor təşkilatlarına can vermək, olanlarımızı qorumaq vacib idi. Parçalanmış şəkildə, pərakəndə fəaliyyət göstərən diaspor təşkilatlarımız var idi, hətta eyni şəhərdə yaşayan azərbaycanlıların biri-biri ilə əlaqələri çox zəif idi. Belə bir məqamda atəşkəs rejimini əldə etsək də ideoloji müharibəmiz davam edirdi. Bu ideoloji müharibədə qalibiyyət faktiki olaraq bizi qələbəyə aparan yollar idi. Dünyaya sübut etməliydik ki, biz haqq sahibiyik. Buna görə də diasporun üzərinə böyük yük düşürdü. Ulu öndərimizin səyi nəticəsində diaspor komitəsi yaradıldı. Beynəlxalq konfrans keçirildi. Diaspor bir komitə kimi ayaq üstə durdu və əlaqələr gücləndirildi və dövlət tərəfindən maliyyələşdirildi. Dünyada olan azərbaycanlıların hərəkətə keçmələrinə imkan yaradıldı. Bu, birinci mərhələ oldu. İkinci mərhələ isə bugünkü mərhələdir. Deyərdim ki, bu gün Diasporla İş üzrə Dövlət Komitəsinə Fuad Muradovun təyin olunması diaspor tarixində yeni mərhələ oldu. Kifayət qədər potensialı olan, avroplalılarla öz dilində danışmağı bacaran, səmimiyyəti ilə hər bir azərbaycanlının ürəyinə yol tapan biridir. Fuad Muradovu təpədən dırnağa qədər tanıyıram. Fuad Muradovla 10 il Milli Məclisdə həmkar olmuşuq. Dövlət tərəfindən qayğı, rəhbərliyin və işin düzgün təşkili istiqaməti və hadisələrin düzgün müstəvidə getməsi belə bir fikir söyləməyə əsas verir ki, bu gün diasporumuz ayaq üstədir. Amma 100 il yol keçmiş erməni diasporu ilə bizim diasporumuzu bu gün müqayisə etsək onlar qədər güclü olduğumuzu deyə bilmərik. Reallıq isə odur ki, Azərbaycan diasporu daha qətiyyətlidir. Maddi durumumuz və dövlətimiz güclüdür, qüdrətlidir. Həmçinin kifayət qədər iş adamları bu işə qoşulub, əlaqələr güclüdür. Bu mənada bu gün Diasporla İş üzrə Dövlət Komitəsinin fəaliyyətini müsbət qiymətləndirmək olar. Qüsur və nöqsanlar varsa onların aradan qaldırlması üçün siyasi və münbit şərait var. Güclü olan dövlətimiz hər bir məsələnin öhdəsindən layiqincə gəlməyi bacarır. Regionun ən qüdrətli dövləti və cəsarətli liderin rəhbərliyi altında daha gözəl olacaq”. /modern.az/

 

Versus.Az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər