450 |
Maraqlı
Uşaqların “zarafatından” sonra xəsarət alan 12 yaşlı uşaq ölümdən dönüb.
“Daily Star”ın məlumatına görə, hadisə Böyük Britaniyanın Krouli şəhərində qeydə alınıb.
“Autizmdən əziyyət çəkən Ronni Fillips anası yatdığı vaxt qardaşı ilə birlikdə evdən gizlin çıxıb. Küçədə o başqa uşaqlarla rastlaşıb. Onlar Ronniyə qəribə “kokteyl” veriblər”, - deyə nəşrdə bildirilib.
O da vurğulanıb ki, uşaqlar qəribə mayeni verərkən onun spirtli içki olduğunu deyiblər.
Uşaq məhlulun dadına baxandan sonra huşunu itirib. Bundan sonra uşaqlar evlərinə qaçıblar, zərərçəkənin balaca qardaşı isə kömək çağırmağa başlayıb. O, tibb işçiləri gələnə kimi qardaşının yanında qalıb.
Uşaq təcili şəkildə Londonda xəstəxanaya çatdırılıb, bundan sonra o, süni komaya salınıb.
Həkimlər uşağa nə verildiyini tam müəyyən edə bilməyiblər. Ancaq uşağın ailəsi “kokteylin” ağardıcı məhlul olduğunu düşünür.
Həkimlərin səyi nəticəsində azyaşlının həyatı xilas olunub.
