Tanınmış jurnalist İTV-yə getdi

21:48 31-08-2018 | icon 887 | KİV
Tanınmış jurnalist İTV-yə getdi

Əmək Əhalinin Sosial Müdafiə Nazirliyinin (ƏƏSMN) "Sosial həyat" jurnalının baş redaktor müavini Əmrah Fəqanoğlu İctimai televiziyanın Xəbərlər departamentində fəaliyyətə başlayıb.

 

Versus.Az-ın məlumatına görə, Əmrah Fəqanoğlu faktı təsdiqləyib və yeni iş yerindən razı olduğunu bildirib:

 

“Komandamızdan olduqca razıyam. Hər biri öz işinin peşəkarıdır, ən əsası da kollektivdə mehribanlıq, təəssübkeşlik və səmimiyyət hökmrandır. Çalışacağam ki, mənə olan etimadı doğruldum”.

 

Qeyd edək ki, Ə.Fəqanoğlu bir qədər əvvəl "Feysbuk" səhifəsində iyulun 31-dən “Sosial həyat" jurnalının fəaliyyətinin nazir Sahil Babayevin əmri ilə dayandırıldığını və jurnaldakı bütün ştatların, o cümlədən, onun da ştatının ixtisar olunduğunu yazmışdı:

 

"Nazirin qərarına hörmətlə yanaşıram, demək belə məsləhət bilinib. Amma jurnaldakı 1 aylıq maaşımın və nazirin əmri ilə təyin olunmuş kompensasiyamın ödənişi yubadılır. Ümid edirəm ki, nazirlik əmək və sosial təminat hüquqlarımı pozmaz. Axı vətəndaşların əmək və sosial təminat hüquqlarını qorumaq məhz bu quruma həvalə olunub"

 

Ə.Fəqanoğlu Bakı Dövlət Universitetinin Jurnalistika fakültəsini bitirib, tələbəlik illərində televiziya və radioda bır sıra verilişlərin ssenari müəllifi, aparıcısı olub.

 

“Avrasiya” və “İki sahil” qəzetlərində müxbir, şöbə müdiri, uzun müddət SOCAR-ın Sosial İnkişaf İdarəsində mətbuat xidmətinin rəisi kimi çalışıb. İki il Dövlət Sosial Müdafiə Fondunun mətbuat xidmətinin rəhbəri olub. Fond Əmək və Əhalinin Sosial Müdafiəsi Nazirliyinə (ƏƏSMN) birləşdiriləndən sonra nazirliyin ictimaiyyətlə əlaqələr şöbəsinin müdir müavini təyin edilib.

 

İctimai televiziyadakı təyinatına qədər ƏƏSMN-nin rəsmi orqanı olan “Sosial həyat” jurnalının baş redaktor müavini kmi fəaliyyət göstərib. "Media açarı" mükafatı laureatı və “Şəfəqi solmayan ömür”, “Gözümü açandan Vətən sən oldun!” adlı kitabların müəllifidir.

Xəbər lenti

InvestAZ

Ən çox oxunan xəbərlər

İqbal Ağazadə əməldə millət vəkili oldu

“Ermənistan savaş istəmirsə, ordusunu Qarabağdan çıxarsın!” - MÜSAHİBƏ

KƏLBƏCƏR FACİƏSİ: Nədən 2-ci plan və nədən?..

Koronavirusun yayılmasına qarşı əlavə tədbirlər haqqında qərar qüvvəyə minib

"Avstraliya Dağlıq Qarabağdakı "seçkilər"i tanımır"

Muzdlu işçilərə 215 milyon manat həcmində kompensasiya veriləcək

Bir millət aydınlarından yenilər

Bu tələbələrin təhsil haqqı ödəniləcək

İcazəsiz hərəkət edən şəxslərin barələrində tədbirlər görülür - FOTO

Əgər Dağlıq Qarabağ və 7 rayon işğaldan azad olunsa, infeksiyanın yeni yayılma riskləri sıfıra bərabər olar

Arzu Bağırova da yardımlaşma kampaniyasına başladı

İşsiz şəxslərin qeydiyyatı yalnız elektron qaydada aparılacaq - RƏSMİ

Prezident İlham Əliyev əfv sərəncamı imzalayıb

“Kimsə onları psixoloji terapiyaya məcbur edə bilməz”

"İnsanlar üzərində ilk tədqiqatlar aparılmalıdır"