XƏBƏRDARLIQ

10:16 09-04-2021 | icon 492 | Gündəm
XƏBƏRDARLIQ

"“Minanı görürük” demək sizi təhlükədən qorumayacaq, çünki..."

 

Azərbaycanın işğaldan azad edilmiş əraziləri uzun illər Ermənistan tərəfindən sistemli qaydada minalanıb. Düşmənin bu mənfur addımları Vətən müharibəsi dövründə daha da xaotik hal alıb. İnsanlar 30 illik həsrətə son verərək öz doğma ata-baba yurdlarını görməyə, dünyasını dəyişmiş əzizlərinin məzarlarını ziyarət etməyə tələsirlər. Bu isə, təəssüf ki, bədbəxt hadisələrlə nəticələnir. 

 

İnsanların işğaldan azad edilmiş ərazilərə qanunsuz keçmələrinin qarşısını almaq üçün ərazilərdəki mövcud vəziyyət barədə təsəvvür yaratmağa çalışırıq.

 

Bunun üçün isə işğaldan azad edilən əraziləri mina və partlamamış silah-sursatlardan təmizləyən Azərbaycan Respublikasının Minatəmizləmə Agentliyi (ANAMA) ilə əlaqə saxladıq. 

 

ANAMA-nın Əməliyyat İdarəsinin tədqiqat və təmizləmə şöbəsinin müdiri İdris İsmayılov mövzu ilə əlaqədar bildirib ki, vətəndaşların azad edilmiş ərazilərdəki mina təhlükəsinin səviyyəsini aydın şəkildə başa düşmələri üçün maarifləndirmə işlərinin aparılmasının önəmlidir:

 

“İnsanlar işğaldan azad olunan ərazilərə öz ata-baba yurdlarını görməyə və daha çox qəbiristanlıqları ziyarət etmək üçün keçməyə cəhd edirlər. Buna cəhd edən bir ailənin altı üzvü minaya düşmüşdür. Bu, çox böyük faciədir. Onlardan iki nəfər həlak oldu. Bu cür hallara Füzulidə, Ağdamda da rast gəlirik. Yaşayış evlərinin ətrafında, qəbiristanlıqların yaxınlıqlarında mina fraqmentləri var. 

 

Buna görə də yerli sakinləri həmin ərazilərə getməməyə çağırırıq. Öz sağlamlıqlarını qorumaq və bədbəxt hadisələrdən uzaq olmaq üçün işğaldan azad edilən ərazilərə getməyə cəhd etməsinlər. Yerli icra orqanlarının, rayon polis şöbələrinin, Daxili İşlər Nazirliyinin və komendantların qoyduğu qayda-qanunlara riayət etsinlər ki, mina və partlamamış silah-sursatların qurbanı olmasınlar”.

 

Vətəndaşların “minanı görürük”, “ehtiyatlı olarıq” kimi səsləndirdiyi fikirlərə cavab verən İ.İsmayılov bu və buna bənzər sözlərin insanları təhlükədən qoruya bilməyəcəyini deyib:

 

“Minalar torpaq səthindən 20 santimetr dərinlikdə basdırılır. Onlar sakit-səssiz öz şikarını gözləyir. Bunu insanlar ilkin baxışda görə bilməzlər. Ola bilər ki, bəzi ərazilərdə torpaq qatı getmiş, su ilə yuyulmuş ərazilərdə basdırılan minalar nisbətən üzdə olsun. Amma bu da insanları təhlükədən qorumur. Bir daha onları işğaldan azad olunmuş ərazilərə getməməyə səsləyirik”. /oxu.az/

 

Versus.Az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər