Boksçumuz ermənini dünya çempionatından kənarlaşdırdı
258 |
İdman
Polşanın Keltse şəhərində gənc boksçular arasında dünya birinciliyi davam edir.
Versus.Az xəbər verir ki, mundialın ikinci günündə Azərbaycan millisinin üzvü Əli Zamanov ilk döyüşünü keçirib.
52 kq çəki dərəcəsində mübarizə aparan yeniyetmələr arasında Avropa çempionumuz 1/16 final mərhələsi çərçivəsində ermənistanlı Ruben Qarboyanla üz-üzə gəlib.
Zamanov rəqibini 3:0 (28:28, 29:27, 29:27, 29:27, 28:28) hesabı ilə məğlub edib. O, 1/8 finalda ilk mərhələdən azad olan tailandlı Tanakon Aonyaemlə qarşılaşacaq. Bu görüş sabah baş tutacaq.
91 kq çəki dərəcəsində mübarizə aparan Əsəd Baxışov isə 1/16 final mərhələsi çərçivəsində rusiyalı Ramazan Dadayevlə üz-üzə gəlib. Görüş rəqibin qələbəsi ilə başa çatıb.
Xəbər lenti
Sağlamlıq haqqında arayış elektron şəkildə VERİLƏCƏK
"Arayışlar sığorta çərçivəsində qarşılanmır"
