11 uşaq anası sosial şəbəkədə tənqid olundu

ABŞ-da məşhur “TikTok” bloqeri və 11 uşaq anası Vernonika Meritt ailəsi üçün şam yeməyinin görüntülərini paylaşıb. Lakin video bir çox istifadəçilərin narazılığına səbəb olub.

Şam yeməyi ətsiz və soussuz makaron, dondurulmuş tərəvəzlər və sarımsaqlı çörəkdən ibarət olub.

Video az müddətdə milyonlarla baxış toplayıb.

Ancaq bir çoxları qadının şam yeməyi seçiminə görə tənqid edib.

“Zülal yoxdu, ancaq karbohidrat”, “Ət hanı bəs?”, “Uşaqlara yazığım gəlir”, “Yemək iyrənc və zərərli görünür”, - deyə onlar bildiriblər.

Başqa istifadəçilər isə yemək porsiyalarının çox az olmasından narazı olublar.

Meritt bəzi neqativ şərhlərə cavab verməli olub. Bloqerin sözlərinə görə, həmin gün uşaqlar artıq zülalla zəngin yemək yemişdilər, ona görə şam yeməyi karbohidratlardan təşkil olunub. Bəzi porsiyaların kiçik olmasını isə qadın uşaqlardan bəzilərinin yaşlarının 6-dan az olması ilə izah edib.

“Mənə yemək bişirməyi bacarmadığımı deməmişdən əvvəl xahiş edirəm digər videolarıma baxın”, - deyə bloqer tənqidçilərə müraciət edib.