Polşada kişi, Çexiyada qadın cüdoçularımız
Polşanın paytaxtı Varşavada və Çexiyanın paytaxtı Praqada keçiriləcək cüdo üzrə Avropa Açıq turnirlərində iştirak edəcək cüdoçularımızın adları bilinib.
Versus.Az xəbər verir ki, 35 ölkənin idmançısının qatılacağı Varşavadakı yarışda 13 kişi cüdoçumuz yarışacaq.
Bunlar yığmanın ikinci heyət üzvləridir: Əhməd Yusifov, Rövşən Əliyev, Nazir Talıbov (hər üçü -60 kq), İbrahim Əliyev, İsmayıl İbrahimov, Tofiq Əliyev (hər üçü -66 kq), Nəriman Mirzəyev, Zaməddin Poladov (hər ikisi -73 kq), Zelim Skayev (-81 kq), Vüqar Talıbov, Coşqun Abdullayev (hər ikisi -90 kq), İmran Yusifov, Camal Feyziyev (hər ikisi +100 kq).
45 ölkənin cüdoçularının iştirak edəcəyi Praqadakı yarışda isə ancaq qadın millimiz mübarizə aparacaq. Onların sayı yeddi nəfərdir: Aydan Vəliyeva, Aişə Qurbanlı, Şəfəq Həmidova (hər üçü -48 kq), Səbinə Əliyeva (-52 kq), Fidan Əlizadə (-57 kq), Aytac Qardaşxanlı (-63 kq), Südabə Ağayeva (-70 kq).
Qeyd edək ki, Polşadakı turnir 26-27 fevral, Çexiyadakı yarış isə 5-6 mart tarixlərində keçiriləcək.
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir