“Minsk Qrupu yox, işğaslçı Ermənistan hüquqi məsuliyyət daşımalıdır”

“Azərbaycan ərazilərini işğal edən, şəhərlərimizi və kəndlərimizi viran qoyan, sərvətlərimizi talayan və digər

beynəlxalq cinayət əməllərini törədən bilavasitə Minsk qrupu deyil, Ermənistandır”.

Versus.az xəbər verir ki, bunu  Aydınlar Partiyasının sədri, hüquqşünas Qulamhüseyn Əlibəyli deputat, VHP sədri Sabir Rüstəmxanlının ATƏT-in Minsk Qrupunun Qarabağdakı 30 illlik fəaliyyətsizliyini tənqid edib, bu qurumu erməni işğalına dəstək verməkdə qınayan, beynəlxalq məhkəməyə verilməsi ilə bağlı səsləndirdiyi təkliflə bağlı açıqlamasında bildirib. 

Q.Əlibəyli hesab edir ki, S.Rüstəmxanlının təklifi maraqlı olsa da, beynəlxalq hüquqi baxımdan real deyil. Onun fikrincə, həmin cinayət əməllərinə görə ATƏT-in vasitəçi qurumu kimi yaradılan Minsk Qrupu yox, işğaslçı Ermənistan hüquqi məsuliyyət daşımalıdır.

“Əlbəttə, Minsk Qrupunun səmərəsiz fəaliyyəti, daha döğrusu fəaliyyətsizliyi göz qabağındadır. Və bu fəaliyyətsizlik işğalçı dövlətin siyasi cəhətdən daha da şirnikləndirilməsi kimi  qiymətləndirilə bilər. Lakin beynəlxalq hüquqda fəaliyyətsizliyə görə vasitəçi qurumun hüquqi məsuliyyəti müəyyən olunmayıb. Ona görə də Minsk qrupunun hüquqi deyil, siyasi məsuliyyətindən danışıla bilər. Hüquqi məsuliyyət beynəlxalq xarakterli konkret cinayət əməllərinə görə yaranır ki, həmin əməlləri də bilavasitə Ermənistan bə onun vəzifəli şəxsləri və hərbşıləri daşımalıdlır”.

T.Qafarlı

Versus.az