Məmur həbsləri GÖZLƏNİLİR
Hafiz Hacıyev: "Tövbələtmə edə bilmirlər"
“Haranı qurdalasaq, eyni vəziyyətlə qarşılaşacağıq”.
Versus.Az xəbər verir ki, bunu açıqlamasında İqtisadiyyat Nazirliyi yanında Əmlak Məsələləri Xidmətinin Beyləqan Ərazi Dövlət Kadastrı və Daşınmaz Əmlakın Reyestri İdarəsinin arxiv şöbəsinin müdiri Dəyanət Atakişiyevin rüşvət almaqda şübhəli şəxs olaraq saxlanılmasına münasibət bildirən Müasir Müsavat Partiyasının sədri Hafiz Hacıyev deyib.
MMP sədri bildirib ki, tövbələtmə edə bilmirlər:
“Rüşvətxorluq və xəyanətlə ölkədə qarışıqlıq yaratmaq istəyirlər. Rüşvətxor məmur təbəqəsi təmizlənməyənə qədər əməliyyatlar davam etməlidir. Belə halların tam aradan qaldırılması üçün Dövlət Təhlükəsizlik Xidməti əməliyyatları davam etdirəcək".
Hafiz Hacıyev vurğulayıb ki, haranı qurdalasaq, eyni vəziyyətlə qarşılaşacağıq:
"Dövlət tələblərini yerinə yetirməyən xüsusi komanda var. Azərbaycan hakimiyyəti daxilində anti-İlham Əliyev koalisiyası yaradılıb. DTX tərəfindən saxlanılanların əksəriyyətinin bu koalisiyanın üzvləri olduğunu dəfələrlə demişəm. Dövlətini, prezidentini sevən heç bir kəs belə əxlaqsız hərəkətlərə yol verməz. Milləti incitməklə, dövlətin üzərinə qaldırmaqla məşğuldurlar. Ən yüksək səviyyəli məmurların da həbs edilməsi yaxınlarda gözlənilir”. /Yenicag.az/
SEVDA
Versus.Az
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"