Lalə Quliyeva: "Sevinc kimilər kimliklrərini itirmişlərdir"

“Sevinc Osmanqızı əlləri Qərbi Azərbaycanın tarixi torpaqlardan yüz minlərlə didərgin, şəhid olmuş, azərbaycanlıların qanına batmış ermənilərlə əlbirdir və onlara haqq qazandırır”.

Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) Qadınlar Şurasının sədri Lalə Quliyeva bildirib.

Onun sözlərinə görə Sevinc Osmanqızının azərbaycanlıların Qərbi Azərbaycana qayıdışlyla bağlı fikirləri, onun anti-azərbaycanlı mövqeyi Azərbaycan cəmiyyətində, həmçinin müxalifət düşərgəsində hiddətlə qarşılanıb:

“ABŞ-da yaşayan ermənipərəst jurnalist Sevinc Osmanqızı düşməni müdafiə edən fikirlər səsləndirib. Əli on minlərlə azərbaycanlının qanına batmış erməni terrorçularına haqq qazandırması ilə Sevinc Osmanqızı sözün həqiqi və məcazi mənasında düşmən dəyirmanına su töküb. Sevinc Osmanqızının bu cür anti-azərbaycanlı mövqeyi Azərbaycan cəmiyyətində, həmçinin müxalifət düşərgəsində hiddətlə qarşılanıb. Bəyəm biz öz haqqımızı tələb etməməliyik? Tarixi torpaqlarımız hesab olunan, Qərbi Azərbaycanda yaşayan bizim soydaşlarımız doğma ata-baba yurdlarına həsrət qalmalıdırlar? Niyə ora qayıtmamalıdırlar?”

Lalə Quliyev qeyd edib ki, ABŞ-ı özünə vətən hesab edən, antiAzərbaycan təbliğatı aparan Sevincə şəhid qızı adı yaraşmır. Bu adam çoxdan yaddaşlardan şəhid övladı kimi silinib:

“Ona görə ki, Şəhidlər Xiyabanında dəfn olunan atasının ruhu o qız üçün dəyərsizdir. Dəyərli olsaydı ermənipərəst mövqedən çıxış etməzdi. Bilirsiz, hakimiyyətdən, onun başında oturan şəxsdən, komandasından narazı qalmaq olar, amma dövlətdən, bayraqdan, xalqdan narazı qalaq olmaz, onlardan incimək olmaz. ABŞ-da və Avropada sığınacaq tapan Sevinc kimilər xalqımızı aşağılayan fikirlər səsləndirməz. Atası Osman Mirzəyev qızının aşağıladığı Azərbaycan torpağında uyuyur, hansı ki, bütün şəhidlərin məzarı bizim üçün müqəddəs yerdir. Çünki onlar bizim şəhidlərimizdi, çünki o torpaqlar bizim tarixi torpaqlarımızdı”.

Lalə xanım vurğulayıb ki, Sevinc kimilər kimliklrərini itirmişlərdir:

"Vətən müharibəsi dövründə azərbaycanlılar xaricdə orduya dəstək, şəhidlərimizə hörmət, ehtiram, düşmənə nifrət prinsiplərini əsas tutaraq aksiyalar keçiriblər. Sevinc kimilər isə ermənilərin tərəfindən çıxış edərək azərbaycanlıların birlik aksiyasını aşağılayırdılar. Şuşa- Xankəndi yolunda keçirilən dinc aksiyaya dəstək vermək əvəzinə, yenə də ermənipərəst çıxışlar edirlər. Bunun bir adı var – Vətən satqınları! Bunlar Azərbaycan xalqına və dövlətinə qarşı çıxıblar. Bu satqınlar hər dəfə bir fürsət tapıb dövlət və milli maraqlarımızı qrant alaraq satıblar”.

SEVDA
Versus.Az