"Rusiyaya açıq şəkildə bəyan etmək lazımdır ki..."
Natiq Cəfərli: “Laçın yolunda nəzarət buraxılış məntəqələrinin qoyulması 10 noyabr bəyannaməsi ilə tənzimlənmir"
“10 noyabr sazişi Azərbaycanı idarə etmək üçün nəzərdə tutulmayıb. Orda Rusiya sülhməramlılarının fəaliyyəti ilə bağlı bəlli bəndlər var. Bütün bunlar xatırladılmalı və nəzarət-buraxılış məntəqələri qoymalıdır. Bu, qaçılmazdır”.
Versus.az xəbər verir ki, bunu siyasi şərhçi Natiq Cəfərli erməni silahlı birləşmələrinin Rusiya sülhməramlılarının himayəsi altında özbaşına davranışları ilə bağlı açıqlamasında bildirib. Onun sözlərinə görə, Azərbaycan tərəfi bir müddət Rusiya ilə daha yumşaq diplomatik dildə danışmağa cəhd eləsə də, Rusiya bu dildən anlamadı.
Onun sözlərinə görə, son həftələr Azərbaycan Müdafiə Nazirliyinin, Xarici İşlər Nazirliyinin brbaşa Rusiyanı hədəfə alan bəyanatları bu mənada ən doğru və gözlənilən adım idi:
“Azərbaycan tərəfi bu addımlarını daha kəskin şəkildə davam etdirməlidir. Azərbaycan ordusu, Azərbaycan dövləti istənilən adımı ata bilər. Burda Azərbaycan konstitusiyası işləyir, 10 noyabr sazişi yox. Rusiya tərəfinə açıq şəkildə bəyan etmək lazımdır ki, Laçın yolunda nəzarət buraxılış məntəqələrinin qoyulması Azərbaycan konstitusiyası ilə tənzimlənir, 10 noyabr bəyannaməsi ilə yox.
T.Qafarlı
Xəbər lenti
Jurnalistlərə psixoloji təlim keçirilib
"Jurnalistlər bəzən yanaşmada emosionallığa yol verir"