“Çelsi” Premyer Liqanın tarixinə düşüb
187 |
İdman
“Çelsi” Premyer Liqanın yaranmasından bəri vergidən öncə 1 milyard avrodan çox zərərə düşən ilk klub olub.
Ötən maliyyə ili üçün təqdim olunan hesabatlara görə, London klubu 2021/2022 mövsümündə ümumi dövriyyəsinin 547 milyon avrodan çox olmasına baxmayaraq, 138,1 milyon avro itirib.
2020/2021 mövsümündə “zadəganlar” 175 milyon avro itki ilə üzləşiblər. Lakin bu rəqəm qismən koronavirus pandemiyasının yaratdığı böhranla izah olunub.
Cari mövsümə gəlincə, itkilər bu dəfə də əhəmiyyətli ola bilər. Belə ki, “Çelsi” artıq transferlərə 600 milyon avrodan çox xərcləyib və öz oyunçularının satışından isə cəmi 60 milyon avro qazanıb.
Bildirilir ki, maliyyə pozuntularına görə sanksiyalardan qaçmaq üçün klub bu yay oyunçularını kütləvi şəkildə satmalı olacaq. Belə ki, İngiltərə çempionatının reqlamentinə görə, klubun illik itkisi ardıcıl üç il ərzində 120 milyon avronu keçə bilməz.
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir
