"İndi sülh daha çox Ermənistana lazımdır"
Ədalət Verdiyev: "Əgər Ermənistana sülh lazım deyilsə, Azərbaycana heç lazım deyil"
“Ermənistanın hərbi təxribatları bir daha onu göstərir ki, sülh barədə verdiyi bəyanatların heç bir əsası yoxdur. Ermənistan heç bir zaman sülh danışıqlarında səmimi olmayıb və indi də belə bir niyyəti yoxdur”.
Versus.Az xəbər verir ki, bunu hərbi ekspert Ədalət Verdiyev Ermənistanın minaaatanlarla Azərbaycan sərhədlərini pozması, nəticədə şəhid və yaralılarımızın olması ilə bağlı açıqlamasında bildirib.
Onun sözlərinə görə, Ermənistanın danışıqlar öncəsi genişmiqyaslı təxribatlara əl atması ənənəsi var və belə təxribatların qarşısının alınması üçün Azərbaycan kifayət qədər ciddi tədbirlər görəcək.
Hərbi ekspert hesab edir ki, Azərbaycanın adekvat tədbirlər çərçivəsində öz tarixi torpaqlarında bufer zona yaratması artıq kifayət qədər aktualdır:
“Errmənistanın hərbi təxribatları sülh danışıqlarını tamamilə şübhə altına alır. Azərbaycan ordusunun hərbi qulluqçusu öz tarixi torpağından açılan atəşlə öz suveren ərazilərində xəsarət alıb, şəhid olursa, belə bir vəziyyətdə hansısa sülh danışıqlarından söhbət gedə bilməz. Əgər Ermənistana sülh lazım deyilsə, Azərbaycana heç lazım deyil. Bizim üçün sülh danışıqları Azərbaycan torpaqlarının 30 il işğalda qalan müddətində lazım idi. İndi sülh daha çox Ermənistana lazımdır. Elə etmək lazımdır ki, sülh danışıqları üçün çabalasınlar”
O ki qaldı Azərbaycan ərazilərinin İran dronlarından istifadə edilərək atəşə tutulmasına, ekspert bildirib ki, belə məlumatlar olsa da, hələ ki, əldə həmin faktları təsdiqləyən foto və videomateriallar yoxdur.
“Amma hər bir halda İranın belə dronları Ermənistana verdiyi istisna edilmir”-deyə, ekspert əlavə edib. /hafta.az/
T.Qafarlı
Versus.Az
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir