Kitab bazarı tənəzzül edir

Rusiyada kitab sənayesi tənəzzül edir.

Versus.az "Kommersant"a istinadən xəbər verir ki, sənayenin inkişafı üçün əsas maneələr istehlakçı fəallığının aşağı düşməsi, kitab mağazalarının sayının azalması və piratlığın artmasıdır.

Bazar artımının potensial amilləri isə rəqəmsal satışın bərpası, sənayenin piratlıqla mübarizə memoranduma daxil edilməsi, gənc müəlliflərin əsərlərinin pərakəndə və kino adaptasiyasına investisiyaların artmasıdır.

Rəsmi məlumata görə, hesablamalara əsasən, Rusiyada kitab bazarı pul ifadəsində 6,65% artacaq, tiraj isə 9,07% azalacaq. Bazar iştirakçıları bildirirlər ki, kitabların qiymətinin və onların istehsalına çəkilən xərclərin artması səbəbindən bazarda pul artımı baş verib.

Qeyd olunub ki, bazar 2023-cü ildə pul baxımından böyüməyə və nüsxələrdə azalmağa davam edəcək, çünki nəşriyyatların portfelinin məcburi daralması, mətbəələrin problemləri və kağız qiymətlərinin artması hələ də həllini tapmayıb. O da vurğulanıb ki, kitab bazarındakı bu məsələlər dövlətdən yeni güzəştlərlə həll edə bilər.