Rusiya bu bəyanatla nəyə iddia edir?

"Rusiya Xarici İşlər Nazirliyinin bəyanatı bir daha Rusiyanın Azərbaycan-Ermənistan arasında münasibətlərin normallaşması və sülh sazişinin bağlanmasında  maraqlı olmamasının göstəricisidir".

Bunu Versus.az-a politoloq Rəşad Bayramov bildirib.  Onun fikrincə, Rusiya bütün imkanlarından istifadə edərək məhz separatçı rejimin ayaqda durması,  separatçı mövqeyini möhkəmləndirməsinə çalışır.

Politoloq Rusiya  XİN-in bu bəyanatında hətta separatçı rejimlə, Ermənistanı üz-üzə qoyma elementlərinin açıq göründüyünü vurğulayıb.  

"Rusiya demək istəyir ki, Ermənistan Azərbaycanın ərazi bütövlüyünü , Qarabağın Azərbaycanın tərkib hissəsi olduğunu tansa da, biz qəbul eləmirik”.

Politoloq eyni zamanda iyulun 14-də erməni seratçı rejimin Rusiya sülhməramlılarının Xocalı aeraportundakı bazasına etdiyi yürüşə diqqət çəkib.

“Videomateriallardan da görünür ki, Rusiya kontingentinin nəzarətindəki hərbi bazada üç bayraq asılıb-Rusiyaın, Ermənistanın, separatçı rejimin. Bu artıq birbaşa Azərbaycan qanunlarının pozulması, birbaşa Azərbaycanın ərazi bütövlüyünü və suverenliyini heçə saymaq deməkdir. Rusiya dislokasiya yerində öz ölkəsinin bayrağını asıb,  amma onunla yanaşı Azərbaycan bayrağı da qaldırılmalı idi. Amma bunun əvəzində ora separatçı rejimin, Ermənistanın bayrağının qaldırılması onu göstərir ki, Rusiya bütün vasitələrdən istifadə edərək separatçı rejimin nə Azərbaycanla dialoq aparmasına imkan vermək istəmir. Eyni zamanda separatçıların vasitəsi ilə Ermənistana təsir edərək sülh müqaviləsinin qarşısını almağa çalışır”.

Ləman

Versus.az