"erməni separatçı rəsmi Bakının nəbzini yoxlayır"
Mətin Məmmədli: "Antiterror əməliyyatı hər an başlaya bilər"
"Qarabağdakı qeyri-qanuni hərbi birləşmlər ya çıxarılmalı, ya da məhv edilməlidir”.
Versus.Az xəbər verir ki, bunu Beynəlxalq Münasibətlərin Təhlili Mərkəzinin eksperti, politoloq Mətin Məmmədli erməni separatçı rejimin başçısı Araik Arutunyanın Xankəndidə oturub oradan “Bakı ilə dialoqa hazırıq, bir şərtlə ki, dialoq ABŞ-ın yox, Rusiyanın vasitəçiliyi ilə aparılması” “sifarişinin” məqsəd və məramı ilə bağlı açıqlamasında bildirib.
Politoloq hesab edir ki, yeni antiterror əməliyyatlarının aparılması üçün həm siyasi, həm də hüquqi zəmin var və regionda cərəyan edən geosiyasi proseslər bu əməliyyatların aparılmasını aktuallaşdırır. Onun fikrincə, erməni separatçı belə bir mövqe nümayiş etdirməklə manevr edir, rəsmi Bakının nəbzini yoxlayır:
“Erməni belə bir təsəvvür yaratmağa çalışır ki, Qarabağ erməniləri danışıqlara getməyə hazırdır. Eyni zamanda artıq dərk edirlər ki, Qarabağın dağlıq hissəsində mövcud status-kvonu uzun müddət saxlamaq mümkün olmayacaq. Çünki Ermənistan üçtərəfli sazişə əsasən öz üzərinə öhtəliklər götürüb və bu bəyanatın bir bəndi də erməni qoşunlarının ərazilərimizdən çıxarılması ilə bağlıdır. Ancaq təəssüf ki, hələ də Ermənistanın qeyri-qanuni qoşunları bölgədə mövcudluqlarını davam etdirirlər”.
M.Məmmədli erməni qoşunları təxirəsalınmadan Azərbaycan ərazilərindən çıxarılmalıdır. Ancaq Ermənistanın, Qarabağda qalan separatçıların mövqeyi onu göstərir ki, onlar bu məsələdə konstruktiv mövqe nümayiş etdirmirlər və daha çox vaxt udmağa çalışırlar:
“Bizim gözləməyə vaxtımız yoxdur. Hesab edirik ki, Qarabağdakı qeyri-qanuni hərbi birləşmlər ya çıxarılmalı, ya da məhv edilməlidir. Nəhayət biz bölgədə davamlı sülhə nail olmalıyıq”.
LƏMAN
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir