Qulamhüseyn Əlibəyli: “Qazandığımız qələbəni diplomatk cəbhədə də təsbit etməyə qabilik”

“BMT TŞ-dakı son müzakirələr bir daha onu göstərdi ki, Laçın sərhəd buraxılış məntəqəsi ətrafında Ermənistan hakimiyyətinin siyasi manipulyasiyası növbəti dəfə uğursuzliğa düçar oldu. Müzakirələrin TŞ-nın hər hansı bir mövqeyini ifadə edən sənədlə yekunlaşmaması Azərbaycan diplomatiyasının növbəti uğuru, Ermənistan diplomatiyasının isə iflası kimi də qiymətləndirilməlidir”.

Versus.Az xəbər verir ki, bunu hüqiqşünas, BDU-nun baş müəllimi Qulamhüseyn Əlibəyli ermənilərin BMT-də qoyduğu “tamaşa” ya hüquqi aspektdən yanaşmaqla bildirib.

Q.Əlibəyli müzikirələr zamanı Təhlükəsizlik Şurasının üzvü olan dövlətlərin nümayəndələrinin çıxışlarının bir neçə məqamı ortaya çıxartdığını deyib:

“Birincisi, Laçında sərhəd buraxılış məntəqəsinin yaradılması Azərbaycanın beynəlxalq hüquqla tanınmış suveren səlahiyyətlərinə aiddir və bunu heç bir dövlət mübahisələndirə bilməz. İkincisi, Laçında sərhəd buraxılış məntəqəsinin yaradılması ilə Azərbaycanın ərazisində yaşayan ermənilərin guya “humanitar fəlakət” vəziyyətinə düşməsi haqqında Ermənistanın, erməni diasporu, erməni lobbisi və ermənipərəst dairələrin qaldırdığı şou xarakterli hay-küy əsassızdır, Fransa və Ermənistanı daimi müdafiə edən bir-iki dövlət istisna olmaqla, heç kim bu yalanlara və süni göz yaşlarına inanmır. Üşüncüsü, humanitar yüklərin daşınması üçün Azərbaycan tərəfinin təklif etdiyi marşrut realdır və bundan istifadə oluna bilər”.

Q.Əlibəyli eyni zamanda qeyd edib ki, bütövlükdə Ermənistan Laçın sərhəd buraxılış məntəqəsi ilə əlaqədar məsələni BMT TŞ səviyyəsində beynəlxalq müstəviyə çıxara bilsə də, istədiyi nəticəni əldə edə bilmədi, TŞ-nın mövqeyini ifadə edən hər hansı bir sənədin - qətnamə və ya bəyanatın qəbuluna nail ola bilmədi:

“Azərbaycan nümayəndəsinin Ermənistan və onun havadarlarının iddialarına tutarlı cavabı onu anlatdı ki, Azərbaycan 44 günlük müharibədə qazandığı qələbəni diplomatk cəbhədə də təsbit etməyə qabildir. Dünya gücləri də yeni geosiyasi reallıqları tədricən də olsa qəbul etməyə başlayıblar”.

LƏMAN
Versus.Az