"Demək olar ki, sülh prosesi dayanıb"
Məhəmməd Əsədullazadə: "Ermənistanı sülhə məcbur etmək üçün hərbi əməliyyatlar mütləqdir”
Qarabağ separatçı rejimi əhalini Azərbaycan ordusuna qarşı təxribata hazırlayır. Ermənistan mediasının məlumatına görə, Ruben Vardanyanın rəhbərlik etdiyi “artsax təhlükəsizlik və inkişaf komitəsi” gənclərə təlim keçməyə başlayıb. Ermənilərin işğal hərisliyi, müharibə ritorikasından əl çəkmirsə hansı zəmini hazırlayır?
Versus.Az xəbər verir ki, bu istiqamətdə açıqlama verən siyasi şərhçi Məhəmməd Əsədullazadə bildirib ki, Ermənistan və Qarabağda mövcud olan qeyri-qanuni silahlı birləşmələr sülhə gəlmək istəmir.
Onun sözlərinə görə, Qarabağdakı erməni separatçılar, xüsusən də Rusiyanın emissarı Ruben Vardanyan özünün yaratdığı komitə vasitəsi ilə erməni gənclərini silahlandırma, dağlarda döyüş fəaliyyətini həyata keçirmə işlərini intensivləşdirib:
“Göründüyü kimi separatçılar birgə yaşayışın əleyhinədir və Azərbaycanın reinteqrasiya siyasətini qəbul etmirlər. Hesab edirəm ki, burda əsas hərərkətverici qüvvə Rusiyadır. Rusiya Azərbaycanın Xankəndiyə nəzarəti həyata keçirməsini istəmir. Ruben Vardanyan da Qarabağda Azərbaycanın reinteqrasiya siyasətinə maneə olmaq və Qarabağdakı erməni gəncləri silahlandırmaq üçün təlimatlandırılıb. Ermənistan özü də hərbi təxrinatlarda maraqlıdır. Demək olar ki, sülh prosesi dayanıb”.
Brüssel və Vaşinqtonun vasitəçilik missiyasının fiaskoya uğradığını deyən M.Əsədullazadə hesab edir ki, Azərbaycan artıq antiterror əməliyyatı həyata keçirməlidir:
“BMT Təhlükəszilik Şurasının iclasından sonra Azərbaycanın mövqeyi daha da güclənib və Azərbaycan hərbi əməliyyatlara başlamalıdır. Ermənistanı sülhə məcbur etmək üçün hərbi əməliyyatlar mütləq lazımdır”.
AYSEL
Versus.Az
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir